Rövnəq Abdullayevin oğlu ARDNŞ-in və Xalqa məxsus milyonları necə xərcləyir?Video fakt


25 yaşlı Rəşad Abdullayev Türkiyədə beş şirkət, istirahət mərkəzi, restoran və digər əmlaklara necə sahib olub?

Məmur-oliqarxlar övladlarının nüfuzunu artırmaq üçün xalqın pullarını sağa-sola xərcləyir

c

Mütəşəkkil Cinayətkarlıq və Korrupsiya Hesabatı Layihəsində Azərbaycanla bağlı növbəti araşdırma materialı hazırlanıb. Budəfəki araşdırma Azərbaycan Respublikası Dövlət Neft Şirkətinin prezidenti Rövnəq Abdullayevin 21 yaşlı oğlunun dövlətin vəsaitindən öz şəxsi pulu kimi istifadə edərək, çoxsaylı şirkətlərə, restoran, istirahət mərkəzi və s. əmlaklara sahib olmasından bəhs edilir. Jurnalist Xalid Kazımovun hazırladığı və ingilis dilində yayımlanmış  materialın tərcüməsini təqdim edirik:

     Tikla bu xəbəridə oxu — SOCAR Gulen örgütünün finansal kaynagıdır

Rəşad Abdullayevin yaşıdları iş tapmır, o isə…

Rəşad Abdullayevin 21 yaşı olsa da, çox məşğuldur. Azərbaycanda onun yaşında olan bir çox gənclər karyerasında başlanğıc üçün lazım olan səviyyədə iş tapanda çox sevindiyi bir vaxtda, bu gəncin iş avtobioqrafiyası adamı təəccübləndirəcək dərəcədə zəngindir.

O, eyni zamanda, atasının rəhbərlik etdiyi Azərbaycan Dövlət Neft Şirkətinin – ARDNŞ-in pullarından şəxsi vəsaitləri kimi istifadə edərək, özünü Türkiyədəki azərbaycanlı tələbələrə xeyriyyəçi kimi tanıtdırıb.

        Tikla oxu -Gülenin terror təşkilatının SOCAR baglantısı 

O, 2010-cu ildə 17 yaşında Türkiyənin Kox universitetində kimyəvi maşınqayırma fakültəsində təhsil almaq üçün Istanbula gəlib. Gələn kimi də “SOCAR Trading” şirkətində işə başlayıb. Bu şirkət ARDNŞ tərəfindən Azərbaycan neftinin dünya bazarında satışının təşkili məqsədilə yaradılıb.

Rəşad Abdullayev ARDNŞ prezidenti Rövnəq Abdullayevin oğludur. Son dörd ildə Rəşad Abdullayev SOCAR-ın bir neçə törəmə müəssisəsində işləyib.

Vəkil Müzəffər Baxışov deyir ki, Azərbaycan qanunlarında maraqların toqquşması məsələsi aydın şəkildə öz əksini tapıb. Anti-korrupsiya qanunvericiliyinə görə, seçkili orqanlar və müəyyən hallar istisna olmaqla, vəzifəli şəxslərin yaxınları onların rəhbərlik etdiyi qurumlarda hər hansı vəzifə tuta bilməz.

Belə hal baş verəndə qohumlardan biri ya 30 gün ərzində istefa verməli, ya da işdən çıxarılmalıdır. Rəşad Abdullayevə, eləcə də şirkətin digər təmsilçilərinə onun SOCAR-da çalışmasının qanunvericiliyə nə dərəcədə uyğun olub-olmadığı barədə dəfələrlə suallar ünvanlansa da, onlar cavab verməkdən yayınıb.

Bundan başqa, Rəşad Abdullayev SOCAR-la əlaqəli bir neçə işə rəhbərlik edir: Məsələn, The Alpha Roger Project (www.alpharoger.com.tr) daşınmaz əmlakla məşğuldur. Rəşad Abdullayevin sahiblik etdiyi digər müəssisələr tikinti, dəniz və hava daşımaları, insan resurslarının idarə olunması, konsultasiya, neft məhsullarının satışı ilə məşğul olur.

“The Alpha Roger Project”in Azərbaycan bölməsinin qeydiyyatdan keçdiyi ünvan Rəşad Abdullayevin ana babası Adəm Əliyevin evidir. 68 yaşlı Adəm Əliyev də Britaniyanın Vircin adalarında qeydiyyatdan keçmiş şirkətlər vasitəsilə SOCAR-la əlaqəlidir.

Rövnəq Abdullayevin oğlu Türkiyədə otellər açacaq

Ötən ilin noyabrında Türkiyədə “Quality” jurnalına müsahibəsində bildirib ki, o, “Petkim Petrokimya”da da çalışıb. Lakin konkret hansı vəzifədə işlədiyini deməyib. “Petkim” də Rəşad Abdullayevin bu şirkətdə iş təcrübəsi haqda sualı cavablandırmayıb.

Tikla xəbəri oxu – SOCAR da Gülənçi şəbəkənin başında Rövnəq Abdullayev durur/Faktlar

Qeyd edək ki, “Petkim”in səhmlərinin 51 faizi “SOCAR Petkim Petrokimya”ya məxsusdur.

Kiçik Abdullayevin SOCAR-la əlaqəli olmayan ən azı, bir başqa biznesi də var. O, “Quality”ə müsahibəsində bildirib ki, Türkiyənin Bodrum şəhərində “B-LONG” istirahət mərkəzi və restoranın sahibidir. OCCRP onun mülkiyyətini təsdiq edən sənədləri əldə edə bilmədi.

Həmin müsahibədə o, gələcək planlarından da danışır. Bildirir ki, Istanbulda və digər şəhərlərdə otellər açmaq niyyətindədir.

Rəşad Abdullayev xeyriyyəçilik sahəsində də fəallıq edir. Biznesdə olduğu kimi, xeyriyyəçilik məsələsində də SOCAR-la sıx əlaqəli olduğunu görünür.

Türkiyədə 200 azərbaycanlı tələbə üçün Rəşad Abdullayev qəhrəman kimidir. Çünki onlara pul verir. Halbuki, həmin pullar əslində, SOCAR-dan gəlir. SOCAR isə 100 faiz dövlət müəssisəsidir. Deməli, tələbələrə verilən həmin pullar da Azərbaycan xalqınındır.

Universiteti hələ bitirməmiş Rəşad Abdullayev Türkiyədə beş şirkətin yeganə sahibidir.

Kiçik Abdullayev Türkiyədə qeydiyyatdan keçmiş və qeyri-kommersiya təşkilatı olan Azərbaycan Insan Kapitalının Inkişaf Mərkəzini (AZEDER) idarə edir.

Hazırda Türkiyədə 6901 azərbaycanlı tələbə təhsil alır. 2007-ci ildən bəri 558 azərbaycanlı tələbə Azərbaycan hökumətindən birbaşa yardım alıb. Qalanları ya özü-özünü maliyyələşdirib, ya da başqa mənbələrdən yardım alıb.

Dövlət yardımı o qədər də çox deyil. Türkiyədə təhsil xərcləri kifayət qədər aşağıdır, hətta kasıb tələbələr də başqa mənbələrdən azacıq yardım alsa, yaşaya bilər. Türkiyə hökuməti 16 Türk respublikasının tələbələrindən digər ölkələrdən olan əcnəbilərlə müqayisədə 3 dəfə az təhsil haqqı alır.

Azərbaycanda dövlətin yardım paketində tələbələr üçün aylıq 100 dollar təqaüd və ildə iki dəfə gediş-qayıdış bileti nəzərdə tutulub.

Dövlətin pulunu AZEDER-ə kim verir?

Türkiyə hökuməti bütün azərbaycanlı tələbələrə tibbi sığorta, yataqxanalarda pulsuz yaşayış, gündə iki dəfə yemək və aylıq 20 dollarlıq təqaüd verir.

2013-cü ildə Istanbul Texniki Universitetində oxumuş Hikmət Qasımzadə deyir ki, orada təhsil alarkən aylıq 55-110 dollar arası pul xərcləyir.

Tələbələrin bir çoxu yalnız Türkiyədən yardım alır. Əgər onlar yataqxanada yox, evdə qalmaq istəsələr, kirayə çarpayı üçün ayda 300 dollar verməlidir.

Səhnəyə Rəşad Abdullayev çıxır.

Onun rəhbərlik etdiyi mərkəz 200 azərbaycanlı tələbəyə ayda 100 dollar pul verir. Yəni, ilə təxminən 240 min dollar pul xərcləyir. Tələbələrin sözlərinə görə, bu təqaüdü almaq üçün onlar heç bir imtahandan keçməyiblər, hər hansı başqa tələb olmayıb. Sadəcə, bu təqaüdü almaq üçün AZEDER-in saytına müraciət ediblər.

Təqaüd verilən tələbələrin necə seçildiyi barədə suala Azərbaycan Insan Kapitalının Inkişaf Mərkəzindən də heç bir cavab verilməyib.

Bu təqaüd tələbəyə yalnız bir il verilir. Həm bakalavr, həm də magistr və doktoranturada təhsil alanlar bu təqaüd üçün müraciət edə bilər.

AZEDER-in hardan maliyyələşməsi haqda suala da cavab verməyib. Lakin bu təşkilatın Türkiyədə keçirdiyi çoxsaylı tədbirlər zamanı otaqlarda SOCAR-ın bannerləri olur.

SOCAR-ın vitse-prezidenti Xaliq Məmmədov və şirkətin Türkiyədəki nümayəndəsi Kənan Məmmədov öz müsahibələrində SOCAR-ın AZEDER-ə səxavətli dəstəyindən danışıb.

Lakin nə SOCAR, nə də Mərkəzdən tələbələrə yardımdan başqa, inzibati işlər və digər xərclər üçün nə qədər pul verildiyi haqda suala cavab verilməyib.

 

Məlumdur ki, AZEDER tərəfindən dəstək tələbələrin karyerası üçün vacib addımdır. Istanbul Universitetinin tələbəsi Şükran Qarayev “Statoil” (Norveçdə), “Petkim Petrokimya” (Türkiyədə) və ya BP kimi böyük neft şirkətlərində təcrübə keçmək üçün seçilməyə çalışır. Və yaxud da Avropa Gənclər Parlamentinə seçilmək istəyir. Bu proqram 41 ölkədən olan gəncləri birləşdirir. Gənclər parlamentinin məqsədi gənclərin siyasi cəhətdən maarifləndirilməsi, vətəndaş məsuliyyəti və mədəniyyətlərarası dialoqun təşviq olunmasıdır.

Qarayev hesab edir ki, AZEDER-i seçməkdə pul əsas rol oynamır: “Rəşad Abdullayevin çox böyük rolu var”.Onun rolu qohumu Anar Əliyevlə birgə Xalqa  məxsus pulları talamaqdır

 

Rövnəq Abdullayevin cinayyət faktlarını saytlardan sildirən „Qaynarinfo“nun baş redaktoru “Zahir ƏZƏMƏT” susmayan saytları necə bağlatdırıb


Socar Prezidenti Rövnəq Abdullayevin və onun rüşvətxor komandası haqqında korrupsiya  faktlarını saytlardan rüşvətlə sildirən „Qaynarinfo“ saytının baş redaktoru “Zahir Əzəmət” SOCAR şirkəti haqqında korrupsiya faktlarını yayınlayan  saytların bağladılmasında xüsusi „əzəmət“ nümayiş etdirib.Amma o  bir şeyi unudub!!! 

Cinayyəti bilib gizlətmək ,baş vermiş korrupsiya faktlarını vəzifə səlahiyyətlərindən istifadə edərək ört basdır etmək, əvvəlcədən bir qrup vəzifəli şəxs tərəfindən mütəşəkkil qaydada  cinayyət əlaqəsinə girərək socarla baglı korrupsiya faktları yayan  sayt rəhbərlərinə açiq aşkar  rüşvət təklif edərək məlumatın sildirilməsi,cəmiyyətə yalan məlumat ötürülməsinin   özü agır cinayyət işi  sayılır.

SOCAR prezidenti Rövnəq Abdullayev və onun adları korrupsiya faktlarında  hallanan komandasınin , haklarında korrupsiya faktları yayan saytların rüşvətlə ələ alınması müqabilində və ya ələ alınmadıgı halda  saytlatın Delta Telekomdan bloklanması üçün  hər il 200 min AZN pul ayrıldıgı iddia olunur.Bu məsələdə qıfıl açar rolu oynayan „Qaynarinfo“ adlı reket saytın baş redaktoru Zahir Əzəmət xüsusilə fərqlənib.Əldə etdiyimiz tam dəqiq məlumata görə Zahir Əzəmət 40 yaxın müstəqil medyanı ələ ala bilməyib və onların fəaliyyətini „Delta Telekomdan“ bloklatmagı bacarıb

Həmkarlarına zəng edib qorxmadan rüşvət təklif edən bu əxlaqsız baş redaktor görün nə qəddər qudurubmuş ki ,təklif etdiyi  rüşvətin məbləgini belə sosial şəbəkədə açıq aşkar yazırmış.Zahir  Əzəmət SOCAR şurkəti  haqda rüşvət faktları yayınlayan saytların rəhbərlərinə hər ay 100AZN  „paket rüşvət“ təklif edirmiş.

Ikram Rəhimovun yazısı

Mən mediada ilk addımlarımı atanda elə bilirdim ki, haqqa yaxın olan bir sahəni seçmişəm. Allahın müqəddəs kitabında deyildiyi kimi: “And olsun qələm sahiblərinə… ”.

Nə biləydim… Hardan biləydim ki, saçımızın qarasına ağ rənglər divan tutmadığı zaman ilk addımlarda qara saçları darayıb cavanlıq sınağına qoşulduqlarım xəyanət “gölü” açmış və həmin məkanda “tilovlarından” dost ovuna istifadə edərlərmiş…

Tikla bunuda oxu -Rövnəq Abdullayev haqda ŞOK FAKTLAR


Son aylar baş verən olaylar mənim üçün və mənim narahatlığıma şərik olub, dərdimi paylaşan dostlar üçün xoş keçmədi. Sosial şəbəkələrdə, “yanındayıq” -deyib məni dəstəkləyən və mənəvi dayaq duran hər bir şəxsə minnətdarlığım, sən demə düşmənlərimin acığını soyutmamış və “dostlarım” olunan dəstəkdən ruhlanmağımdan çəkinərək mənə qarşı yeni planların sifarişini icra etməyə davam etmişlər. 

Mən qınamıram, ola bilər. Niyə də olmasın. Axı çörəyini ətəkdən yeyən və el dili ilə desək “çörəyi diz üstə olan”, “ƏZƏMƏTLİ” dostlarıım az idi…

Bir zamanlar “həmkar” və ya jurnalist öz cəbhəsindən yazmaz deyə öyrətdilər mənə. Axı vicdan amili önəmli idi, o da xəyanətə yol verməz və həmkarların savaşında sızlayardı. Nə günə qaldıq? Elə bir günə ki, mətbuat, “DÖRDÜNCÜ HAKİMİYYƏT”- deyib fəxr etdiyimiz an sayıla bilməyəcək qədər xəyanət gördük. Birinci ola bilməsək də sonuncu olmaq üçün can atanlar tapıldı aramızda. Ən acısı bu adlar içində imzası olan yeni şerini qəzet səhifəsinə çıxarmaq üçün “DOSTUMDUR” deyərək, nə yaxşı “VARDIR” düşünüb capda manşeti belə dar etdik. Hətta “Nizami” metrosunun yanında yerləşən binanın soyuq divarlarında “ƏZƏMƏT”in sevgi şerini qəzetin səhifəsinə yerləşdirən dostumun yuxusuz gecələri belə gözümün önündə canlanır. Bəs nə dəyişdi…

Tikla bu faktadıda oxu -neft yataqarından 1 milyard dollar pul ogurlanıb.SOKAR susur

Qara saçlarımız çoxdan dəyişib. Qocalığın astanasındayıq. Yanımızda, yörəmizdə qazandıqlarımız itirdiklərimizin boşluğunu doldurmur. Nəfəs alarkan belə sağa-sola boylanmaq zorunda qalmışıq. Dost sayı azaldıqca etibar etdiklərimizin sıraları pozulub, “HƏMKARIQ” deməkdən qorxmağa başlamışıq. “Etibar, vicdan, əqidə, dosta sədaqət keçmişdə qaldı” – deyib bizdən sonra yetişənlərə misal çəkib öyünərkən utanmaq zorunda qalmışıq. Məmur qucağına girib, pula (bunu deməkdən və bu sözü “dost” sözü ilə yanaşı çəkib bir ölçüyə qoymaqdan utanıram), saxta şöhrətə, dostluq dəyişənlərə baxıb həyatın mahiyyətində belə məntiqlərə üsyan edirəm…
Dediyim kimi, bir zamanlar qardaşlıq üzərində köklənən indiki “qardaşlıq” son bir ayda mənə acılar yaşatmaqda davam edir. Səbəbini bilmədiyim zaman “ƏZƏMƏTLİ” dostlarım xəyanət etməz deyə düşünmüşdüm. Kimisi məni qınamış, kimisi “yanılma”, kimisi “haqlısan” – demişdi. Dost siyahısında haqlı olmadığım zamanı xatırlamıram. Amma ləqəbinə “ƏZƏMƏT” və “abi” deməsinə acığımı ifadə edib “ELOĞLU” dediyim birinin mənim imzama sayğısızlıq, mənə isə xəyanət etməsini qəbul etmirəm…

Hər bir insan kimi səhv edə bilərəm. Yanlışım, nöqtə, vergül unutqanlığım ola bilər. Lakin mənim yanlışlıqlarımda mənəvi səhvlər yoxdur və ola da bilməz. Mən məmur adına sifarişlər icra edib olan ƏZƏMƏTİMİ qara saçlı olduğum zaman, illərə söykənən dostluğa arxalanaraq ağardıqca saxtalaşan “əzəmətlərə” qurban vermədim.. Və vermərəm. Məmur istəyini icra edib dosta xəyanət etmək isə son bir ayda keçmişə söykənən və inamlı olan düşüncələrin yanlış olduğunu təsdiq etmiş oldu. Dostumundur – deyib saytı açmaq xoş olması vacib sayılmalı zaman dostunun saytını yox etmək üçün sifariş icra etdiyinin adını qoya bilmirəm. Ola bilər bunu məmur desin və dostuma təzyiq də edə bilər. Lakin onun “ƏZƏMƏT” adlandırdığı və bu gün bu ada nifrət oyatdığı adın arxasında xəyanət gizlənmir axı…

Tikla bu faktıda oxu-SOCAR-ın yeni erməni ortağı Avet Mirakyan

Məmur. Məmur da insandır və bu ölkədə məmursuz yaşamaq və qanunları icra etmək mümkün deyil. Onların da haqları var. O haqlarla işimiz olmaz və cəmiyyətin güzgüsündə – mediada bunlar açıq görüntülənir. Amma məmur dediyimiz və ölkənin var-dövlətini talayan şəxslərin sifarişini icra edən “DOST”umun onlar qədər saxtalaşmasına yanıram…

Hamınıza bəllidir ki, rəhbəri olduğum media qurumlarında Dövlətin əsas gəlirini təşkil edən “SOCAR” ın şefi Rövnəq Abdullayevin və onun həyasızlaşmış vitse-prezidenti Mikayıl İsmayılovun, eləcədə də Xalik kimi vətənini satan, Lerikin suyunu içib sonra “qusan” məmurların dövlətin milyardlarını mənimsəmələrindən bəhs etmişdim. Sən demə, “DOSTUM” və adını “ƏZƏMƏT” adlandıran eloğlum Rövnəqlərin çörəyini yeyirmiş. Olsun, kişi çörək yeyər. Amma “kişi kişinin çörəyini yeyər”- deyib saçı ağarmışlar. Onlar da çörəyi kişi kimi yedilər və qazandıqlarına baxanda Allahın “şeytan” adlı məxluqunun payından pay qoparmadılar…

Mən bir jurnalistəm və sadə vətəndaşam. 21 ildir ki, dövlətimə xidmət edirəm. 40 yaşımda “ƏZƏMƏT”lərin ağaran saçının dostluq deyil, xəyanətə görə ağardığını görürəm. Rövnəq Abdullayevin 100, 1000 və bunun kimi məbləğlərlə xalqdan oğrladıqlarının hesabına yaşayan, görünüşü 10 metrdən sezilməyən və yazıldıqca yoxa çıxıb saxtalaşan “ƏZƏMƏT”lərin dostu olmuşam. Qınasaz haqlısız…
Bundan sonra susmaq istəmirəm. Əzəmətli olmayanların və vicdanını, əqidəsini satanların ifşasını davam etdirəcəyəm. Mənimlə birgə ƏZƏMƏTLİ yol getməyə hazır olanların ƏZƏMƏTİNƏ güvənərək…



İkram Rəhimov
Realliq.info saytının baş redaktoru



PS.Zahir Azamət  soy adlı baş redaktorla   baglı redaksiyamız yeni səs yazıları və messenger danışmaları əldə edib.Yaxın günlərdə bu məsələ ilə baglı ictimaiyyətə  geniş yazı veriləcək

Faktları Hüquq mühafizə təşkilatları nəzarətə götürməlidir .