Jurnalisti təhqir edən direktorun milyonluq villaları – FOTOLAR


Jurnalisti təhqir edən Sabunçu rayon 187 saylı tam orta məktəbin direktoru Nailə Məmmədovanın dəbdəbəli villalarının görüntüləri üzə çıxıb.

1504106023_9-4-1024x576

A24.az „xəbər verir ki, sözügedən bahalı villalar paytaxtın Sabunçu rayonunun Maştağa qəsəbəsində yerləşir. Villaların qiymətinin milyon manatdan çox olduğu deyilir. Həmin villaların direktor Nailə Məmmədovaya aid olmasını kənd sakinləri də təsdiq edib

Qeyd edək ki, Axar.az-ın redaksiyasına da göndərilən həmin məktubda illərdir pedaqoji fəaliyyətlə məşğul olduğunu deyən şikayətçi məktəb direktoru Məmmədova Nailənin müəllimlərdən aylıq haqq tələb etdiyini, onları ağır sözlərlə təhqir etdiyini qeyd edib.

Adının açıqlanacağı təqdirdə direktorun təzyiqi ilə üzləşəcəyindən ehtiyat etdiyini vurğulayan məktub müəllifi 187 saylı orta məktəbin direktoru Nailə Məmmədovanın hər bayramda „bayrampayı” adı ilə şagirdlərdən müəyyən məbləğdə pul yığdırdığını, məktəbin xadimələrini evində qulluqçu kimi işlətdiyini də iddia edib. Nailə Məmmədovaya qarşı irəli sürülən başqa bir ittiham isə onun uşaqların 1-ci sinifə qəbulu, dərs bölgüsü, attestatların satılması, fond pulu, təmir pulu və s. məsələlərdə suçlanmasıdır.

Sözügedən şikayətlə bağlı qarşı tərəfin mövqeyini öyrənmək üçün sayt Sabunçu rayon 187 saylı tam orta məktəblə əlaqə saxlayıb. Özünü direktor müavini kimi təqdim edən şəxs sayt əməkdaşını təhqir və təhdid edib.

„Get, işinlə məşğul ol! Deyəsən, sənin başın bədəninə ağırlıq edir. Get, öyrən, gör, sən kimə zəng eləmisən. Nailə xanım kimi təhqir edib, kimdən pul alıb?! Sübutun varsa, yaz! „Dux”un varsa, dediklərinin arxasında dayan! Səni məhkəməyə verib, başına oyun açaram. Çox ayıb olsun. Sənin „Axar.az”ına da ayıb olsun, axmayan ağzına da ayıb olsun… Tərbiyəsiz!”

Werbeanzeigen

Azərbaycanlı idmançı Livanda faciəvi şəkildə öldü


İdmanın qarışıq döyüş sənəti olan MMA növü ilə məşğul olan  Naxçıvanın Şərur rayonundan olduğu bildirilən X.Əliyev , 3 gün əvvəl Livanın Beyrut şəhərində dünyasını dəyişsə də, onun meyitinin ölkəyə gətirilməsi problemə çevrilib:

1504124346_xe4

„Xəzərin meyiti 3 gündür ki, morqda qalıb. Hələ  12 min dollar əməliyyat pulu, 7-8 min dollar da meyitin göndərilməsi üçün pul istəyirlər.

Səlahiyyəti və imkanı olan şəxslərdən xahiş edirik, bu məsələdə yardımlarını əsirgəməsinlər”.

X.Əliyevin Naxçıvanın Şərur rayonundan olduğu, Ordubadda internatda böyüdüyü bildirilir.

PULU MƏN ALMIŞAM, MEHMAN ƏLİYEV YOX” – Eynulla Fətullayev


“Saytımız, çoxunun iddia etdiyi kimi, hökumətin yox, Qərbin pulu ilə yaradılıb”

“Layihənin pulunu mən almışam, Mehman Əliyev yox”. Bu sözləri “Haqqın.az” və “virtualaz.org” saytlarının rəhbəri Eynulla Fətullayev deyib.

BA268C2D-A368-446A-AA2A-5DE2AE166CDA_mw1024_n_s

“Turan” İnformasiya Agentliyinin rəhbərliyinə qarşı irəli sürülən ittihamlara münasibət bildirən E.Fətullayev deyib ki, saytları yaratmaq üçün Qərb fondlarından qrant alıb və bu işdə ona Mehman Əliyev kömək edib: “Mən onda Sorosdan, Norveç və Almaniya hökumətlərindən haqqin.az layihəsinin yaradılmasına təxminən 200 min dollardan çox pul aldım. Bizim saytımız, çoxunun iddia etdiyi kimi, hökumətin yox, Qərbin pulu ilə yaradılıb. Və Mehman Əliyevlə Şahin Hacıyev bunu bilirlər.

Mən həqiqətən də Mehman Əliyevə və Şahin Hacıyevə xahişlə müraciət etmişdim, çünki mən həbsxanada olanda onlar mənim hüquqlarımı müdafiə edirdilər. Mənim qeydiyyatdan keçmiş təşkilatım yox idi. Bundan başqa, Fondun vəzifələrindən biri də jurnalist layihələrinə kömək etməkdən ibarətdir. Və böyük minnətdarlıq hissilə yada salıram ki, onlar mənə kömək etdilər. Mən saytı yarada bildim. Yəni pulu mən almışam, Mehman Əliyev yox”.

Qeyd edək ki, avqustun 29-da Vergilər Nazirliyinin İstintaq İdarəsində Nəcəf Nəcəfov Fondunun başçısı, “Turan” İnformasiya Agentliyinin direktor müavini Şahin Hacıyev dindirilib. Bu barədə virtualaz.org-a Ş.Hacıyevin özü məlumat verib. İstintaq İdarəsi N.Nəcəfov Fondunun fəaliyyətinin araşdırılmasına başlayıb. Mehman Əliyev fondun altı təsisçisindən biridir.

Ş. Hacıyevdən xüsusən 2011-ci ildə Norveç səfirliyi və Soros fondu tərəfindən N.Nəcəfov Fonduna ayırılmış qrantlar haqda soruşublar. Eynulla Fətullayev rəhbərlik etdiyi saytlar vasitəsilə məhz həmin məsələyə aydınlıq gətirib.

Mehman Əliyev avqustun 24-də saxlanılıb. Onun barəsində 3 aylıq həbs-qətimkan tədbiri seçilib.
Mehman Əliyev Cinayət Məcəlləsinin 192.2.2 (qanunsuz sahibkarlıq), 213.1 (vergi ödəməkdən yayınma) və 308.1-ci (vəzifə səlahiyyətlərindən sui-istifadə) maddələri üzrə təqsirləndirilən şəxs qismində cəlb edilib.

Nərimanov rayon İcra Hakimiyyəti başçısının müavini Şahmar İbadovun TOPDAĞITMAZ SƏRVƏTİ


Bu günlərdə Nərimanov rayon İcra Hakimiyyəti başçısının birinci müavini Şahmar İbadovun oğlu Elmar İbadovun avqustun 22-də Bakı şəhərində avtomobil qəzası törətməsi ilə bağlı məlumat yayıldı. Bu məlumatı icra başçısının müavini özü də təsdiqlədi. 

sa

O bildirmişdir ki,  yaşlı qadının ölümü oğlunun qəza törətməsi ilə bağlı deyil.

“Hadisə avqust ayında baş verib. Düzdür, oğlum qəza törədib. Yazıblar ki, hadisə yerindən qaçıb. Bu təmamilə səhv məlumatdır. O, yaşlı qadını elə yerindəcə avtomobilə mindirərək, xəstəxanaya çatdırıb. Qadın xəstəymiş. Ölümünü avtomobil qəzasıyla bağlamaq olmaz. Dövlətimiz buna qarşı tədbir görür. Əgər cəzası varsa çəkəcək. Əks halda sərbəst buraxılacaq”, – Şahmar İbadov bildirib.

Bu məlumatda sonra mediada və sosial şəbəkələrdə qəza törədən məmur oğlunun bahalı maşın kolleksiyası barədə məlumat yayılıb. Belə ki, Elmar İbadov qəzanı “Range Rover” markalı avtomobillə törətsə də, onun 10-AC-100 nömrəli daha bir neçə avtomobilinin olduğu deyilir.

Məmur  oğlunun bu kolleksiyasında bahalı “Galandwagen” markalı maşının da olduğu iddia edilir. 10-AC-100 dövlət nömrə nişanlı “Galandwagen”in şəhərdə tez-tez göründüyü bildirilir.

 

Məlumata görə, Elmar İbadovun Bakı Dövlət Univerisitetinin Beynəlxalq İqtisadi Münasibətlər fakültəsində oxuyub. Bu il BDU-nu bitirsə də, hərbi xidmətə getməyib.

Nərimanov rayon İcra Hakimiyyəti başçısının birinci müavini Şahmar İbadova məxsus olan Bakı şəhərindəki bahalı və möhtəşəm imarətlərin kicik bir hissəsi  ilə bağlı redaksiyamıza faktlar daxil olub.

Faktları təqdim edən mənbə imarətlərə xərclənən pulları da açıqlayıb. Məlumata görə, Bakının mərkəzində ucaldılan Altun   saraya Prezident Ilham Aliyevin Nərimanov rayonundaki səlahiyyətli numayəndesi  Şahmar İbadov 11  milyon manat xərcləyib

Faktları təqdim edən mənbə  digər imarətlərə xərclənən pulların 50 miliyon AZN dən artıq oldugunu bildirir

Göründuyü kimi aylıq 850 azn məvacib alan İcra Başçısı müavini hakda korruspiya  faktları Baş Prokurorluq yanında korrupsiya idarəsinin rəhbərlərini düşündürməlidir, əgər Kamran və Əli Nagıyevın Nərimanov rayon ərazısində binaları ,firma və holdingləri yoxdursa.

Əldə etdiyimiz məlumata əsasən Baş Prokurorluq yanında Korrupsiya idarəsinin rəis müavini Əli Nagıyevin və onun qardaşı Vəli Nagıyevin əksər villa,offis,şirkət ,holding və Bina tikilişi ilə məşgul olan MTK -ları Nərimanov rayonu ərazisində yerləşir və adı korrupsiyada hallanan Şahmar İbadovlada cox yaxın əlaqələrinin oldugu söylənilir.

Diese Diashow benötigt JavaScript.

Mənbə bu günlərdə Azərbaycanda  Şahmar İbadova məxsus villaların obyekt ve restoranlarişın tam siyahısınl eyni zamanda məmurun Avropa ölkələrindəki Bank hesablarini bizə yollamaga soz verib

Euro Asia News

 

 

 

Türk iş adamı Ziya Şahin Azərbaycandan saxta ittihamlarla şərlənib deportasiya edildi – Müsahibə


Türk iş adamı Ziya Şahin Azərbaycandan saxta ittihamlarla şərlənib deportasiya edildi – Müsahibə

Ziya Şahin Azərbaycan üçün çoxları ilə mübahisə etmiş bir vətən sevdalısıdır. Xüsusilə də, qatıldığı hər yerdə Azəri sözünün işlədilməsinə etiraz edər, “Azərbaycan türkü” sözü üzərində mübarizə aparar. FETÖ-yə qarşı ilk çıxan insanlardan biri də odur, erməni anlayışını ilk günündən tənqid edən də. Hətta türk firmaların Ermənistanda ticarət aparmaqlarını da ilk tənqid edən və İrəvanda dükan qapılarını bağlayandır desək, yanılmarıq. Lakin Azərbaycan adı çəkildikdə qəlbi çırpınan bu adamı Miqrasiya xidməti hələ də ölkəyə buraxmır. Səbəb bəlli deyil. Ən yaxşısı bu mövzuları Azərbaycana heyran olan Ziya Şahinin müsahibəsindən oxuyun:

yencag.az_2017-04-15_13-40-47

– Əvvəlcə zəhmət olmasa, Azərbaycanda 10 il yaşamış Ziya Şahinin kim olduğundan, nə iş gördüyündən bəhs edin.

– 1958-ci ildə Malatya şəhərində anadan olmuşam. 18 yaşıma qədər orada yaşamışam. Həyatımın sonrakı 30 ili İstanbulda, son 10 ili də Azərbaycanda keçib. İstanbulda gənc yaşımda ticarətə başlamışam. Şirkətlərimiz olub, polad ticarətiylə məşğul olmuşam. 1996-cı ildə ticarətdən çox pul qazanırdım. O zaman “Ya Rəbbim, sən məni lazım olduğundan daha artıq pul qazanmaq təhlükəsindən mühafizə elə” deyə dua etdim. Duam qəbul oldu və ticarətə son qoydum. Təxminən 25 ildir ki, ticarətlə məşğul olmuram. Dünyagörüşü baxımından özümü kamilləşdirməyə çalışıram.

– Ziya bəy, Azərbaycansız necəsiniz?

– 10 il Azərbaycanda yaşadım. Sonra heç nədən deportasiya edildim. Azərbaycana pul qazanmaq üçün getməmişdim. Buna ehtiyacım da yox idi. Gecə-gündüz dayanmadan Azərbaycan xeyrinə çalışdım, çox önəmli işlər gördüm. Məsələn, Azərbaycanda yaşayan xarici vətəndaş olaraq ilk dəfə mən 2006-cı ildə Azərbaycanı tanıdan web sayt yaratdım. www.ziyasahin.com-da 10 ildir gücə-gündüz Azərbaycan tanıdılır. Lakin 2013-cü il dekabrın 17-25-də FETÖ terror qruplaşmasının Azərbaycandakı tərəfdarı ilə sosial mediada mübahisəmiz oldu. Nəticədə, 2014-cü ilin avqust ayında deportasiya edildim. Bağçam, evim, əşyalarım, dostlarım – hər şeyim orada qaldı. Təəssüf ki, təxminən 3 ildir ki, Azərbaycana gedə bilmirəm. Təbii ki, bu vəziyyət anasından, bacısından, qardaşından ayrı qalan birinin yaşadığı həsrət hissini mənə yaşadır! Azərbaycanımız üçün əlbəttə ki, çox darıxmışam. Deportasiya edilməyimə səbəb olan şəxs məni çox yaxşı tanımır və bir gün tanısa, etdiyinə çox üzüləcək, peşman olacaq. Bunun kimi etdiyini isə təbii ki, təxmin edirik. Azərbaycansız özümü sudan çıxmış balıq kimi hiss edirəm.

– Azərbaycana neçə ildir getmirsiniz? Səbəb bəllidirmi?

– Təxminən 3 il olub ki, Azərbaycana gedə bilmirəm. İddia edirəm ki, heç kim Azərbaycan müstəqilliyinə qovuşduqdan sonra mənim kimi İstanbulda dəniz mənzərəsi olan evini qoyub, Azərbaycanda dağlıq bir rayonda yaşayan, 10 il gecə-gündüz çalışan bir Türkiyə vətəndaşı göstərə bilməz. Mən 10 ildə 1 manat belə qazanc əldə etməmişəm. Lakin dövlətə 10 minlərlə manat vergi və sığorta pulu ödəmişəm. İndi də əlimdə rəsmi sənədlər var. Dövlətə vergi borcum yoxdur, əksinə DSMF-də mənim pulum qalıb! Mən siyasətlə heç məşğul olmamışam, sevmirəm də. Hətta Azərbaycandaykən bəzi insanlar yanımda dövlət əleyhinə danışanda, “mən burda sadəcə qonağam, bunları nə üçün mənim yanımda danışırsınız? Buyurun gedin polisə, prokurorluğa, İcra hakimiyyətinə müraciət edin” deyirdim. Sonra adım çıxdı ki, guya mən MTN-in adamıyam. Necə də gülməlidir!

Məni İsmayıllıda ən yaxşı tanıyan, illərlə polis rəisi olmuş çox sevdiyim şəxs Nizami Qocayevdir. Deportasiya edildiyimi telefonda eşitdikdə o qədər çox təəccübləndi ki… “Burada səni və Azərbaycana olan sevgini ən yaxşı bilən mənəm, bu necə ola bilər?” dedi.

Deportasiya edilməyim üçün heç bir ciddi səbəb yoxdur, ola da bilməz. Əgər mən vergidən yayınmışamsa, nə üçün məni deportasiya edirsiniz? Tutun və haqqınızı tələb edin. Əgər siyasətlə məşğul olmuşamsa, məni tutun və cəzalandırın. Əsla belə bir şeylər olmayıb.

– Bildiyimizə görə siz Azərbaycandaykən türkiyəli firmaların Ermənistanda iş görməməsi üçün xeyli çalışmısınız. Bu barədə məlumat verə bilərsiniz?

– Bəli, doğrudur. Hələ bir də Azərbaycanı sevirmiş kimi özünü tanıdaraq, gedib İrəvanda distribüter olanlar məni çox qəzəbləndirirdi. 2006-cı ildə Bakıya o zamankı Mədəniyyət nazirimiz Atilla Koç gəlmişdi. Mən tədbirlərin birində Nazirdən soruşdum: Türkiyəli bəzi firmalar nə üçün İrəvana gedərək orada çalışırlar? Bu, başqa şirkət sahibləri üçün pis nümunədir. Nə üçün əvvəlcə Azərbaycana gəlmirlər? Dedim və şirkətin adını çəkdim.

“Bu barədə nə deyəcəksiniz, cənab nazir?”, soruşduqda isə heç bir məlumatının olmadığını və Ankaraya getdikdə bu mövzunu şəxsən araşdıracaqlarını dedi. Bundan sonra jurnalistlər, media mənsubları mənə yaxınlaşaraq mövzu barədə suallar soruşdular. Mən də hamısını danışdım. 2 gün sonra bu mövzu qəzet və televiziyalarda xəbər oldu. Daha sonra İrəvanda şirkət sahibi, Malatyalı həmyerlim olan iş adamı Azərbaycan mətbuatına İrəvandakı iki şirkətinin də bağlandığını açıqladı. O, İrəvandakı açılışa bir təyyarə dolusu jurnalist və iş adamı aparmışdı. Bu jurnalistlərdən biri də FETÖ-cü məşhur jurnalist Ünal Tanık idi (İndi FETÖ ilə işbirliyiə görə həbsdədir). Azərbaycanda olarkən mənə zəng vurdu, çox əsəbiləşmişdi. FETÖ üzvləri tam bir erməni heyranlarıdır. Bilirsiniz ki, məşhur prokuror Zekeriya Öz də əvvəlcə İrəvana sığındı, sonra Almaniyaya getdi.

– Məşhur bir sənətkarı razı salaraq Azərbaycanda konsert verməyə dəvət etdiyiniz düzdür?

– O, dünyaca məşhur sənətçi Sami Yusufdur. Məşhur teatr aktyoru rəhmətlik Siyavuş Aslanın oğlu Eldar Aslan dostumdur. 2006-cı ildə mənə dedi ki, istəyirəm ki, Sami Yusufi Bakıya gətirək, konsert versin, lakin onunla əlaqə yarada bilmirəm. Mənə kömək edə bilərsən? Razılıq verdim. Çünki Saminin 6 menecerindən biri 20 illik dostum idi. Səhəri gün Misirdəki dostuma zəng etdim, görüşdük, beləliklə işə başlamış olduq. Lakin Azərbaycanı heç tanımırdılar. Hətta sonradan biri mənə dedi ki, biz Azərbaycanın bu qədər gözəl olduğunu bilmirdik. Buranı bir çöllük hesab edirdik. Əvvəlcə menecerləri gəldi. Mən onları İsmayıllıya və Qəbələyə apardım. Gəzdilər, şəkillər çəkdilər, o yerləri çox bəyəndilər

Təxminən 4 ay çalışdıq. Çünki orkestr üzvləri Misirdən, rəhbəri Amerikadan, Saminin özü, ana-atası və həyat yoldaşı isə İngiltərədən gəldilər. Cəmi 60 nəfər idi. Təyyarə biletlərini eyni vaxta təşkil etmək, otel tutmaq asan iş deyildi. Bakıda Avropa otelində otaqlar tutduq. Gəldiyi gün Sami və özü kimi musiqiçi, məşhur bəstəkar Firuz Yusuf səhərə qədər yatmadılar. “Azərbaycanım” adlı mahnının söz və musiqisini yazdılar.

Hətta Sami Yusuf geri qayıdarkən Bakı hava limanında mənə Azərbaycanı çox bəyəndiyini və bir gün burada mütləq klip çəkəcəyini dedi. Təəssüf ki, deportasiya edildiyim üçün bunu və bunabənzər layihələri tamamlaya bilmədim. Məsələn, çox istədiyim layihələrdən biri də Alim Qasımovu Türkiyədə bir neçə televiziya proqramına çıxartmaq, bir neçə konsert proqramı ilə çıxış etməsini təşkil etmək idi. Mən onunla tanış olmuş, sevmiş və alicənablığını təqdir etmişdim.

Düzü, Azərbaycanda ümumilikdə yazarlar, rəssamlar, sənətçilər, alimlər çox alicənabdırlar. Məsələn, mən rəhmətlik Bəxtiyar Vahabzadə, Siyavuş Aslan, millət vəkili Fazil Mustafa, Adil Əliyev, Alim Qasımov, rəhmətlik şair Məmməd Aslan, Niyaməddin Musayev, Munis Şərifov, Agil M. Quliyev kimi bir çox insanlarla tanış oldum, hər biri də çox təvəzökar insanlardır.

– 10 il Azərbaycanda yaşadınız. Azərbaycan xeyrinə başqa hansı işlər görmüsünüz?

– 10 il ərzində heç dayanmadım. Daima Azərbaycan xeyrinə nələr edə biləcəyimi düşündüm və çoxunu da həyata keçirtdim. Çünki Azərbaycan dedikdə ağlıma gələn ilk şey pul qazanılacaq ölkə olması idi. Lakin mən əsla Azərbaycanda pul qazanmağı düşünmədim. Tam əksinə, həmişə Azərbaycan xeyrinə pul xərcləməyi düşündüm. Çünki mənim əcdadım Nuri Paşa və əsgərləri (hamısına Allah rəhmət eləsin) 1918-ci ildə Azərbaycana can verməyə getdilər. Mən də nəvələri olaraq, bu gözəl ölkə üçün necə pul xərcləməyə bilərdim?

İlk öncə aşiqin sevgilisinə hədiyyəsi misalı Azərbaycanı tanıdan bir sayt qurdum. Dünyaca məşhur sənətçi Sami Yusifi Bakıya konsertə gətirdik. İrəvandakı türkiyəli şirkətləri bağlatdırdım. Bakıda türkiyəli tanınmış iş adamıyla məşhur TV proqramçısı Seyfullah Türksoyu tanış etdim. İş adamı sponsor oldu, İsmayıllı, Qəbələ, Lahic və Saatlıda Azərbaycanı tanıdan videolar çəkdik. Başda “Kanal 7” olmaqla bir neçə televiziya kanalında Azərbaycanı dünyada milyonlarla insana tanıtdıq. Azərbaycanlı dostlarım Türkiyədən bir xanım yazar istədilər, köməklik etdim, gətirdik. Bakıda 2 gün konfrans keçirildi. Almaniyada davamlı olaraq Azərbaycan əleyhinə verilişlər çəkən bir TV-yə dəfələrlə zəng vurdum, “bu verilişləri dayandırın”, dedim. Sözümü dinlədilər, dayandırdılar. Sonra Prezident seçkilərinə eyni televiziya kanalını dəvət etdilər, onlar da gəlib iştirak etdi.

Türkiyənin ən çox oxunan qəzetlərindən olan Hürriyet-ə Azərbaycanla bağlı yazılar yazdım. Nuri Paşanın əsgərlərindən birinin nəvəsi Mehdi Osmanovu araşdırmalar nəticəsində tapdım. Önəmli bir jurnal üçün müsahibə aldım. Çox oxundu, hətta bizim Türkiyə Səfirliyimizdən mənimlə əlaqə yaratdılar, çox təşəkkür etdilər.
Bir çox xəstəyə yardım etdim, Trabzona, İstanbula müalicəyə getdilər.

İTV radio ilə Türkiyədən bir radionun ortaq yayım etməsi fikri mənim idi, buna nail olmağa cəhd etdim. Nəticədə, İTV ilə TRT arasında bu yayım həyata keçirildi.

Qərbi Azərbaycandan olan və İsmayıllıda yaşayan Məhərrəm adlı bir kişinin 170 il əvvəl Türkiyəyə köçmüş qohumlarını uzun araşdırmalardan sonra tapdım. Onların telefonla bir-birilə əlaqə yaratmalarına kömək etdim. Saya bilmədiyim bir çox işlər həyata keçirtdim. Bunları Allah xatirinə etdim.

İsmayıllıda bir məzarlıq var, rəvayatə görə, Nuri Paşanın əsgərləri orada basdırılıb. Qəbiristanlığın adı Culyandır. Məzar daşları ərəbcə yazılıb, yerlərdə sürünür. Daşlar qırılıb, üzərindən heyvanlar keçir. Öz pulumla oranı düzəltmək istədim, icazə vermədilər.

– Bir daha deportasiya edilməyə geri qayıdaq. İlk dəfə bunu eşitdikdə necə reaksiya verdiniz?

– Təbii ki, çox üzüldüm. 2014-cü il avqust ayında İstanbula gəlmişdim. 1 həftə sonra Bakıya qayıtdıqda hava limanında mənə “Sən eyni təyyarə ilə İstanbula geri qayıdacaqsan, deportasiya edildin” deyildi. Mən o qədər çox təəccübləndim ki. Soruşdum ki, günahım nədir? Evim, bağım, əşyalarım, dostlarım – hər şeyim Azərbaycandadır. Təyyarədə 3 saat ərzində gözyaşı tökdüm. Hətta yanımda bir nəfər oturmuşdu, sonradan öyrəndim ki, Avropada professordur, məndən nə üçün ağladığımı soruşdu. Yaxınımı itirdiyimi düşünmüşdü. “Yox” dedim, 10 il Azərbaycanda yaşadım, gecə-gündüz Azərbaycan üçün çalışdım, indi də məni deportasiya etdilər. Professor o qədər çox kədərləndi ki, izah edə bilmərəm! İstanbula gəldim, səhəri gün Azərbaycan Səfirliyinə getdim. Orada çalışan Seymur və Tural adlı şəxslərə gözyaşı ilə yaşadığım vəziyyəti danışdım, “yazılı müraciət et” dedilər. Etdim, amma hələ də rəsmi bir cavab almamışam.

Mənim bu deportasiya məsələmi həm Türkiyədə, həm də Azərbaycanda bir çox millət vəkilləri, jurnalistlər, iş adamları bilir. Hətta bizim Məclis spikerimiz İsmayıl Kahramana, İstanbul valisi Vasip Şahinə də şəxsən danışmışam. Hətta sizin Yeniçağ.az-ında üzv olduğu Mətbuat Şurasının sədri, millət vəkili Əflatun Amaşov da vəziyyəti yaxşı bilir.
Lakin mən inanıram ki, bu müsahibədən sonra Azərbaycanda Prezident Aparatındakı aidiyyatı şəxslər, xüsusilə də Əli Həsənov vəziyyətdən xəbərdar olacaq, bu səhvi düzəldəcək və deportasiya qərarını ləğv edəcək. Mənim kimi Azərbaycana heyran biri buna layiq deyil. Prezident cənab İlham Əliyev daima Azərbaycana gələn qonaqlara diqqət göstərilməsini tələb edir. Bilirsiniz, ən çox da, 27 günlük ikən aldığım və indi 12 yaşında olan itim üçün darıxıram.

 

– 15 iyulda küçələrdəydiniz. Hətta telefonda danışarkən səsiniz yuxusuzluqdan çox pis gəlirdi. O gecə nələr yaşadığınızı danışa bilərsiniz?

– Mən bir çox çevrilişlərə şahid olmuşam. 1980-ci il 12 sentyabr hərbi çevriliş də bu qisimdəndir. Lakin bu 15 iyul çevriliş cəhdi dünyada ən əxlaqsızca edilməyə çalışılan çevriliş idi. Düşünün, sizi qoruduğunu hesab etdiyiniz təyyarələrlə, tanklarla, bombalarla, silahlı əsgərlərlə sizə, xalqa, Prezident Sarayına, Məclisə hücum edirlər. İsti bir yay günü idi. Evdə televizorda, internetdə qəribə xəbərlər gördüm. Bir az sonra hərbi təyyarələrin səsləri eşidildi. Ardınca prezidentimiz Ərdoğan küçələrə çıxmalı olduğumuzu dedi. Dərhal dostlarla yollara çıxdıq.
Əvvəlcə Atatürk hava limanına Prezidentimizi qarşılamağa getmək istədik, olmadı. Yollar dolu idi. Bir yandan da AKP-dən gələn təlimatlara əməl etdik. “Hər kəs olduğu bölgəyə sahib çıxsın”, dedilər. Biz də yaşadığımız bölgədə qaldıq, təlimatlara əməl etdik. O əsnada nə başımız üzərindən keçən hərbi təyyarələr, nə “Trakya tərəfindən gəlir”, dedikləri tanklar, nə də silahlı əsgərlər əsla bizi qorxutmadı…

Bu arada xalq silahları ilə havaya atəş açır, hər ehtimala qarşı qabaqlayıcı tədbirlər görürdülər. Təbii ki, biz bu andan etibarən evin yolunu unutduq. Yuxu ehtiyacımızı adətən, maşınlarımızda bir neçə saat yatmaqla qarşılayırdıq. Bu qəhrəman xalqla nə qədər qürur duysaq, azdır. Düşünün ki, insanlar tankların önündə uzandı. Biz bu cənnət Vətənimizi qanımızın son damlasına qədər qoruyacağıq. Bu, bizim namus-şərəf məsələmizdir. Türkiyəni qorumaq bir yana, bu xalqa desələr ki, sabah Qarabağ torpaqları alınacaq, inanıram ki, 1 saat ərzində Türkiyədə 1 milyon insan qeydiyyatdan keçəcək.

– Xainlərin hamısı zərərsizləşdirildi? Bu barədə əksik gördüklərinizdən danışa bilərsinizmi?

– Xeyir, əsla. Hazırda FETÖ üzvləri özlərini gizlədirlər. Hətta gizləməklə də qalmırlar, Ərdoğan, AKP, iqtidar tərəfdarları kimi görsənirlər. FETÖ üçün hər cürə əxlaqsızlıq, alçaqlıq yolveriləndir.
Hazırda daha diqqətli olmalıyıq. İqtidar tərəfdarı kimi görünənlərin keçmişdə kimlərin yanında olduqlarını nəzərə almalı və ona görə tədbirli davranmalıyıq.

– Türkiyə referenduma hazırlaşır. 16 apreldə necə bir Türkiyə gözləyirsiniz?

– Mən referenduma çox da önəm vermirəm. Önəmli olan Prezidentimizin sağlığı, səhhəti və iqtidarın birliyidir. Bunlar olduqdan sonra geri qalan çox da önəmli deyil. Qatar öz reysi ilə gedir və gedəcəkdir. Mən bir müsəlman olaraq duaya çox önəm verirəm. Ərdoğan və iqtidar bütün dünyada məzlumların duasını alır. Bu dualar da onları həmişə qoruyur. Referendumda əlbəttə ki, “Evet” çıxacağını gözləyirik. Lakin “Hayır” çıxsa da, reysə oturmuş qatar yoluna davam edəcək. “Evet” çıxsa, qatarımız daha sürətlə gedəcək.

– Türkiyənin məşhur şairlərindən olan Yavuz Bülent Bakiler “Azərbaycan ürəyimdə şah damardır” deyir. Ziya Şahin üçün Azərbaycan nədir?

– Yavuz Bülent Bakiler tanıdığım, hörmət bəslədiyim bir böyüyümüzdür. Çox gözəl deyib. Bizim üçün də Azərbaycan candır, canandır, vücudumuzun bir parçasıdır. Ona ziyan vuran kiçik bir şey belə vücudumuza zərər verər. Mən Azərbaycanda 10 il yaşadım, həqiqətən də, Azərbaycan və Azərbaycandakı qardaşlarımız görülməyə dəyər. Azərbaycanı heç olmasa, bir dəfə görməyi hər kəsə tövsiyə edirəm.
Türkiyədə insanlar Azərbaycanı çox sevirlər. Lakin istəyirəm ki, bu sevgi oraları görməklə, daha da artsın.
Azərbaycanda yaşayan xarici vətəndaşlara deyirəm ki, Azərbaycan dərin tarixi- mədəni zənginliyə sahibdir. Bunları yaxından tanıyın. Çox məlumat toplayın. Ölkənizdə danışa biləcəyiniz bir şeylər olsun.

– Ziya bəy bu müsahibə üçün sizə çox təşəkkür edirik. Azərbaycan sevginizi Allah heç bir zaman ürəyinizdən çıxartmasın.

– Mən də daima yaxından izlədiyim, çox oxunan xəbər saytı Yenicag.az-a və FETÖ ilə ciddi mübarizəsinə görə Türkiyədə çox tanınan təsisçi və Baş redaktor Aqil Ələsgər bəyə, sizə və bütün heyətinizə çox təşəkkür edirəm.

Yeniçağ.az

İlqar Məmmədov həbsdə qaldı, Natiq Cəfərli isə bəraət aldı.Maraqlıdır!!!


Respublikaçı alternativ” (REAL) hərəkatının icraçı katibi Natiq Cəfərli barəsində başlanmış cinayət işinə xitam verilib. 


Vəkil qeyd edib ki, bu gün Natiq Cəfərli ilə birlikdə Baş Prokurorluğun Ağır cinayətlər üzrə İstintaq İdarəsinə çağırılıb.

“Hərəkətlərində cinayət tərkibi olmadığına görə barəsində Cinayət Məcəlləsinin 192.1 və 308.2 maddələri üzrə cinayət işi başlanmış Natiq Cəfərli barəsində işə xitam verildiyini bildirdilər. 

Axtarış vaxtı ondan götürülmüş bütün sənədlər, şəxsiyyət vəsiqəsi, əmlak sənədləri və s. qaytarılıb. Eyni zamanda qeyd olunur ki, onun ölkədən çıxışına qoyulmuş məhdudiyyət də aradan qaldırılacaq”, – vəkil yazıb.

Xatırladaq ki, Natiq Cəfərli qeyri-qanuni sahibkarlıq fəaliyyətində və vəzifə səlahiyyətlərindən sui-istifadə etməkdə ittiham edilirdi.

Eyni zamanda, REAL-ın lideri İlqar Məmmədov məhkum edildiyi cəzanı çəkməkdə davam edir. 2013-cü ildə o, İsmayıllıda baş vermiş kütləvi iğtişaşlarda iştirak etdiyi üçün 7 il müddətinə həbs edilmişdi

Nurgü Motors şirkətindən avtomobil almayın.Nuru Əliyev sizi aldadır


Azərbaycanda „Nissan”, „Ford”, „Renault”, „İnfiniti” markalı avtomobillərin satışı ilə məşğul olan „Nurgun Motors“ şirkətindən narazılıqlar günü-gündən artır.


 Bir çox hallarda köhnə avtomobillərin yeni adıyla satılması, kredit və lizinq faizlərinin hədsiz yüksək olması, alıcıya məcburi „Rəvan sığorta“nın sırınması, servis qiymətlərinin dəfələrlə baha olması və sair amillər nəticəsində bu şirkətin bazardakı imicini tamamilə məhv edib.

Bildiyimiz kimi, „Nurgun“ şirkətlər qrupu və onun sirli rəhbəri Nuru Əliyev Azərbaycanın ən köklü monopolistlərindən biridir. Onun monopoliya həvəsi „Nurgun Motors“un da fəaliyyətinin əsas prinsipidir. Buradan nağd, kredit və ya lizinqlə avtomobil alan şəxs fərqinə varmadan monopoliya toruna düşür və sonradan baş verən hadisələrdən, təəssüf ki, onu nə qanunlar, nə dövlət qurumları qorumur. Yaxud hansısa səbəblərdən qorumaq istəmir.

Məsələn, „Nurgun Motors“dan lizinqlə avtomobil almaq istəsəniz, görün sizi hansı tora salacaqlar:

1. Avtomobili mütləq „Aypara lizinq“ şirkətindən alacaqsınız.

2. Lizinq və ya kredit faizlərini mütləq „NBC bank“ təyin edəcək. Məsələn, 5 illik lizinq və ya kredit şərtləri ilə avtomobil alsanız, avtomobilin dəyərindən daha çox faiz ödəyəcəksiniz. 

3. Mütləq „Rəvan Sığorta“da kasko sığorta etdirməlisiniz və öncədən pulunu ödəməlisiniz.

4. Sıorta üçün müraciət ərizənizə mütləq sizin mənafeyinizə və Azərbaycan qanunvericiliyinə zidd müddəlar daxil ediləcək və sizə „bu adi müraciət ərizəsidir, zəhmət olmasa bura qol çəkin“ deyib, sizi aldadacaqlar.

5. Avtomobili yalnız „Nissan Servis“ mərkəzlərində od qiymətinə təmir etdirə bilərsiniz. Adi yağ dəyişməni belə, başqa servisdə etsəniz, sizin qarantiyanızı ləğv edəcəklər.

6. Aldığınız avtomobilin doğrudan da yeni və orijinal olduğuna heç bir təminat yoxdur.

7. Hər hansı qəza törədildikdə kasko sığortanızı ala biləcəyinizə dair heç bir təminat yoxdur. 

Gördüyünüz kimi, yuxarıda adıçəkilən bütün qurumlar „Nurgün“ şirkətlər qrupuna daxildir və bu, açıq-aşkar istehlakçı hüquqularının kobud sürətdə pozulmasıdır. Bəs görəsən, Antiinhisar Siyasəti və İstehlakçıların Hüquqlarının Müdafiəsi Dövlət Xidməti, habelə digər aidiyyatı qürumlar buna niyə göz yumur?

„Rəvan Sığorta“nın lisenziyası ləğv olunmalıdır

Bu ilin əvvəlində „Rəvan Sığorta” ASC tərəfindən Maliyyə Bazarlarına Nəzarət Palatasına (MBNP) təhrif edilmiş hesabatların təqdim edilməsi faktı müəyyən olunub.

„Sığorta fəaliyyəti haqqında” qanunun 102-ci maddəsinə əsasən, MBNP tərəfindən ASC-nin İdarə Heyətinin sədri, baş mühasibi və məsul aktuarisinin tutduğu vəzifədən kənarlaşdırılması, sığorta ehtiyatlarını təmin edən vəsaitlərin çatışmayan hissəsinin bərpa edilməsi və məcmu kapitalının artırılması barədə „Rəvan Sığorta”ya icrası məcburi olan yazılı göstəriş – təqdimat verilib.

Bu il həmçinin Vergilər Nazirliyi saxta defekt aktı tərtib edərək dələduzluğa əl atdıqları üçün  „Rəvan Sığorta”ya və „Nurgün Motors“a maliyyə sanksiyası tətbiq edib.

Ələt qəsəbə sakini Müşfiq Haşımov avtomobilinə dəyən külli miqdarda zərəri, ortada məhkəmə qərarı olsa da, „Rəvan Sığorta“dan kasko sığortasını ala bilmir.

Bakı sakini Qasımova Sevinc aylardır qəza nəticəsində zədələnən avtomobilinin təmiri üçün „Rəvan Sığorta“dan kasko sığortasını ala bilmir.

Hüquqları pozulanlar arasında tanınmış insanlarda coxdur.Vəkilin sözlərinə görə, adıçəkilən sığorta şirkəti müştəriləri aldadır, üzərinə düşən öhdəliyi yerinə yetirmir.

„Şirkətlə müştəri arasında bağlanan sığortanı ləğv etmək mümkün deyil. Vətəndaşlardan əsassız olaraq əlavə xərc tələb olunur. Heç bir vətəndaş öz hüququndan istifadə edə bilmir. Sığorta öhdəlikləri yerinə yetirilmir. Avtomobilin keyfiyyətsizliyi ilə bağlı müraciətlər cavabsız qalır, verilmiş zəmanət yerinə yetirilmir“, – C.Yusifov bildirir.

Vəkil bildirir ki, müqavilə şərtlərinin ziddinə olaraq, „Rəvan Sığorta“nın əməkdaşları qəza baş verən zaman hadisə yerinə gəlmirlər. „7-8 ay əvvəl avtomobilimdə qəza baş verdi, 1 manat da sığorta ödəmədilər. Şirkətdə çalışan Mayıl Nuriyev adlı şəxsə iradımı bildirdikdə isə „gedin, kimə istəyirsiniz deyin“ cavabı verir“, – deyə vəkil əlavə edib. Vəkil mətbuat vasitəsilə vətəndaşlara müraciət edərək, „Rəvan Sığorta“da müştərilən aldadıldığını və mütləq ehtiyatlı olmağı tövsiyə edib.

Faktların sayını artırmaq da olar

Siyəzəndə silah anbarında güclü partlayış: FOTOLAR


Siyəzən rayonu yaxınlığında silah anbarında baş verən yanğın güclü partlayışlara səbəb olub.

Bu barədə  redaksiyamıza hadisə şahidləri məlumat veriblər.

Ərazidən insanlar təxliyyə edilir. Bakı-Quba yolu tamamilə bağlanıb. 

Hadisə yerinə çoxlu sayda yanğınsöndürən və təcili tibbi yardım briqadaları cəlb olunub.

Ölən və yaralananlar barədə hələlik məlumat yoxdur

Vasif Talıbov qudasını Naxçıvan Daxilı Işlər Naziri təyin etdi


Naxçıvan Muxtar Respublikasına yeni daxili işlər naziri təyin olunub. Bu barədə fərmanı MR Ali Məclisinin sədri Vasif Talıbov avqustun 25-də verib. Yeni nazir Fazil Nəriman oğlu Ələkbərovdur.

Təyinatın maraqlı və qəribə tərəfi budur ki, Fazil Ələkbərov Vasif Talıbovun qudasıdır. Ali Məclis sədrinin oğlu Seymur Talıbov Fazil Ələkbərovun qızı ilə evlidir.

Avropa Azərbaycanlıları bəyanat verdi:Mehman Əliyevin həbsi ifadə və söz azadlıgına zərbədir


Avropa Azərbaycanlilari Milli Birlik Şurasi və beynəlxalq Haqq və Ədalət Asosassiyasinin „Turan“ İA nin bağlanması və onun rəhbəri Mehman Əliyevin həbs edilməsi barədə

                       BƏYANATI

„Turan” İnformasiya Agentliyinin direktoru Mehman Əliyevə qarşı Cinayət Məcəlləsinin ağır cinayət xarakterli maddələri ilə cinayət işi qaldırılması, haqqında həbs qəti imkan tədbirinin seçilməsi həm ifadə və fikir azadlığına ziddir həm hüquq devlət anlayışina ziddir həmdə beynəlxalq hüquqa uyğun olmayan skandal bir qərardir.

Mehman Əliyevin yaratdığı və başçılıq etdiyi “Turan” İnformasiya Agentliyi Azərbaycanın müstəqillik tarixində müstəsna yeri olan nüfuzlu media quruluşudur. Yüksək professionallığı, obyektivliyi, olaylara qərəzsiz yanaşması ilə “Turan” beynəlxalq media məkanında qəbul edilən seçkin media quruluşudur. Təsadüfi deyil ki, agentliyin informasiyalarını  beynəlxalq aləm alternativ informasiya kimi qəbul edirlər.

Uzun illərdir Azərbaycanda azad sözün, demokratiyanın keşiyində dayanan „Turanin“ bağlanması, onun rəhbərinin həbs edilməsi Azərbaycanda Fikir və ifadə azadlığına böyük bir zərbədir. 

Biz – AAMBŞ və beynəlxalq haqq və Ədalət təşkilati  olaraq  Mehman Əliyevin  dərhal həbsdən azad edilməsini tələb edirik. Ilkəmizin beynəlxalq nüfuzuna daha bir zərbə dəymədən bu sehv addimi durduraraq, Mehman Əliyevi azad edib və „Turanin“ İA nin fəaliyyətine davam etməsinə izin verilmesini tələb edirik. 

Hörmətlə,

Gabil Rzayev, AAMBS, sədr

İlgar Rzazadə, Haqq və Ədalət təşkilati, sədr

Professor Elşad Abdullayev  AAMBS Məclis Basqani

Firudin Dugi, Agsaqqallar Şurasi

Vidadi Abbasov, Agsaqqallar Şurasi

Valeh Bayramov, AAMBŞ, sədr müavini

Rizvan Kərimov, AAMBŞ, Almaniya təmsilçisi

Ömər Koşar, AAMBŞ, Türkiyə təmsilçisi

Mayis Məmmədov, idarə heyəti,Almaniya

Mayis Məmmədov, İdarə heyəti, Türkiyə

Rüstəm Hafiz, Idarə Heyyəti

Vüqar Məmmədov 

Zaur Qaraşov

Samir Əliyev

Cavad Abuşov

Eldar Abbasov

Eldar Bayramov 

Niyazi Mirzəbəyli 

Pərviz İskəndərov

Əli Rzaoglu

Teymur Həsənov 

Toplam: 180 İmza

Eks Spiker Rəsul Quliyev:Mehman Əliyevin  həbs edilməsi mənəviyyatsızlığın zirvəsidir


Azərbaycan höküməti beynəlxalq aləmin tanıdığı, qəbul etdiyi jurnalistləri ,insan haqları müdafiəçilərini məqsədyönlü məhv edir.

Son bir neçə ildə Azərbaycan höküməti intellektin elitası sayılan Leyla Yunus,Xədicə İsmayıl, Rauf Mirqədirov,Rəsul Cəfərov və başqalarını həbs edib qismən və ya bütövlüklə sıradan çıxarmağa nail olubdur.

 Bu gün isə Sovet dövründə müstəqil agentlik yaratmağa nail olmuş talantlı jurnalist Mehman Əliyevi həbs etmişdir. 

Mehman Əliyevin təsis etdiyi Turan Agentliyi 27 ildir fəaliyyət göstərir və Azərbaycanın bütün dünyada tanınmış yeganə obyektiv informasiya obyektidir. 

Mehman Əliyev Azərbaycanda həmişə obyektiv jurnalistikanın simvolu hesab edilib.

 Təmiz, düzgün, vicdanlı, əlahiddə bir talanta sahib olan belə bir şəxsin həbs edilməsi mənəviyyatsızlığın zirvəsidir.

25 il ərzində bu hakimiyyət ölkənin ən talantlı insanlarının aradan götürülməsinə nail olub və milləti manqurtlaşdırma siyasətindən əl çəkənə oxşamır.

​“Turan” İnformasiya Agentliyinin direktoru Mehman Əliyev saxlanılıb


Vəkil Fuad Ağayev APA-ya bildirib ki, M. Əliyev bu gün Vergilər Nazirliyi Vergi cinayətlərinin ibtidai araşdırılması Departamentinə çağırılıb.

 Vəkil qeyd edib ona qarşı vergidən yayınma və vəzifə səlahiyyətlərini aşma ittihamları irəli sürülüb, barəsində cinayət işi başlanıb.

M. Əliyevin 48 saatlıq saxlanılmasına qərar verilib. O, Yasamal Rayon Polis İdarəsinin Müvəqqəti Saxlanma Məntəqəsinə aparılıb.

 

mehman-eliyev

***

“Turan” informasiya agentliyinin direktoru Mehman Əliyev Yasamal Rayon Polis İdarəsinin təcridxanasına çatdırılıb.

Bu barədə virtualaz.org-a məlumatlı mənbələrdən bildirilib.

Mənbəyə görə, Mehman Əliyevə qarşı Azərbaycan Respublikası Cinayət Məcəlləsinin iki maddəsi üzrə ittiham irəli sürülüb: iri məbləğdə vergidən yayınma və vəzifə səlahiyyətlərindən sui-istifadə.

***

Turan İnformasiya Agentliyinin direktoru Mehman Əliyev qoruma altına alınıb.

Hüquq-mühafizə orqanlarındakı mənbələrdən virtualaz.org-a bildiriblər ki, onun barəsində həbs tədbiri seçilib.

***

Turan İnformasiya Agentliyinin direktoru Mehman Əliyev saxlanılıb.

Hüquq-mühafizə orqanlarından virtualaz.org-a bildiriblər ki, jurnalist Vergilər Nazirliyi İstintaq İdarəsinin əməkdaşları tərəfindən saxlanılıb