Hacı Elçin Manafov polis tərəfindən saxlanılıb


Maarifçiliyə Dəvət“ İctimai Birliyinin sədri Elçin Manafov polis tərəfindən saxlanılıb.

514fe93fa9bbe2a105c44bddde654765

Bu barədə HEDEF14.az-a onun yaxınları tərəfindən məlumat verilib.

Məllumatda bildirilir ki, ruhani bu gün səhər saatlarında saxlanılıb.

Xatırladaq ki, ailəsi hacı Elçin Manafova dünən zəng edildiyini və hansısa güc strukturuna çağırıldığını bildirib.

Hadisənin Ramazan ayının son cümə günü ilə əlaqədar ola biləcəyi ehtimal edilir.

Belə ki, Ramazan ayının son cümə günü bütün dünyada  zülmə etiraz, məzlumlara dəstək məqsədilə müxtəlif tədbirlər, aksiyalar keçirilir.

Azərbaycanda da analoji hadisələr öncəki illərdə baş verib və Qüds Günü əsasən İsrail səfirliyi qarşısında etiraz aksiyaları keçirilməsilə müşahidə olunub.

Qeyd edək ki, əməkdaşımız hacı Elçin Manafovla əlaqə saxlamağa çalışsa da telefonuna zəng çatmadı.

Əli İnsanovla bağlı hökm qüvvədə saxlanılıb: „Kimsə gəlib, öz yaxasını cırarsa…“


abiq səhiyyə naziri Əli İnsanovun şikayəti təmin edilməyib.

Musavat.com xəbər verir ki, sabiq nazirin Qaradağ rayon Məhkəməsinin barəsində çıxardığı hökmdən apellyasiya şikayətinə Bakı Apellyasiya Məhkəməsində hakim Əflatun Qasımovun sədrliyi ilə baxılıb.

ali

Əli İnsanov məhkəmədə iştirak etməkdən imtina edib. Keçmiş nazir bu haqda məhkəməyə ərizə göndərib. Kürdəxanıdakı istintaq təcridxanasında da müvafiq akt tərtib olunub.

Məhkəmədə Əli İnsanovun vəkili Ağaveyis Şahverdi çıxış edərək bir daha şikayətə məhkəmə istintaqı aparılmaqla baxılmasını istəyib: „Cinayət işindəki bir sıra hallara aydınlıq gətirilməsi üçün mütləq araşdırma aprılmalıdır“.

Vəkil söyləyib ki, birinci instansiya məhkəməsində təkrar ekspertiza keçirilməsi ilə bağlı vəsatət qaldırıb: „Çünki ekspertiza bizim ekspert qarşısında qoyduğumuz suallara cavab verməmişdi. Yəni ekspert rəyi tam deyildi. Amma təəssüf ki, vəsatətimiz təmin olunmadı. Biz Əli İnsanovun guya psixotrop tərkibli dərmanlar saxladığı iddia olunan şüşə qabın üzərində əl izləri ilə də bağlı ekspertiza keçirilməsini istəyirdik. Əgər iddia olunduğu kimi Əli İnsanov o qabdan istifadə edibsə, üzərində onun əl izləri olmalı idi. Yaxud, Əli İnsanovun cırdığı iddia olunan protokolun da ekspertizası keçirilmədi. Halbuki adam protokolu cırıbsa, deməli, üzərində əl izləri olamlıdır“.

Vəkil daha bir vəsatətlərinin təmin edilməməsindən narazılığını bildirib: „Yazıblar ki, guya Əli İnsanov psixotrop tərkibli həbləri özü qəbul edirmiş və bu məqsədlə də onları qabda saxlayıb. Amma kimyəvi ekspertiza keçirib onun qanında psixotrop tərkibli maddələrin olub-olmadığını müəyyən etmədilər. Birinci instansiya məhkəməsində Anar Təhməzov adlı şahid dindirildi. O, bildirdi ki, şüşə qabı Əli İnsanovda görməyib. Amma hökmdə şahidin ifadəsi təhrif olunub və yazılıb ki, Əli İnsanovun o qabdan dərmanları götürüb, istifadə etdiyini görüb. Ən azı bu ziddiyyətin aydınlaşdırılması üçün Anar Təhməzov bura çağırılıb dindirilməlidir. Elə məsələlər var ki, onların üstündən keçmək olmur“.

A.Şahverdi deyib ki, Əli İnsanovun cəzaçəkmə müəssisəsində əşyalarını saxladığı otağa baxış da qanunsuz keçirilib: „Baxış keçirilib, hal şahidləri çağırılıb, amma 50 metr kənardan onun özünü dəvət etməyiblər. Qapalı otağa baxış keçirilirsə, buna görə mütləq məhkəmə qərarı olmalı idi. Amma belə bir qərar olmayıb. Vəkillər arasında belə bir rəy var ki, Ali Məhkəmədə işə baxılanda danışmağa ehtiyac yoxdur. Çünki danışılanlara onsuz da əhəmiyyət verilmir. Elə bir kəlmə ilə „şikayəti müdafiə edirəm“ demək kifayətdir. İndi bu işdə biz də hesab edirik ki, Əli İnsanov haqda qərar artıq hazırdır və mənim burada çox danışıb, sübutları ortaya qoymağıma ehtiyac yoxdur“.

Müdafiəçi əlavə edib ki, Əli İnsanova verilən cəza ağırdır: „Əli İnsanov dörd akademiyanın üzvü olub. Birindən çıxarılsa da qalan üçünün hələ də üzvüdür. Azərbaycanda dərman kəşf edən yeganə alimdir. Dünyada tanınan elm adamıdır. 30 mindən çox adamı müalicə edib. Hətta cinayəti törətmiş olsaydı belə, ona niyə bu qədər ağır cəza verilirdi? Əli İnsanov 11 illik həbsdən çıxmasına 58 gün qalmış şərlənib. İnsanovun saxta ittihamla cəzasının artırılacağı ehtimalı əvvəlcədən var idi. Bu hadisədən bir gün əvvəl cəzaçəkmə müəssisəsində Əli müəllimə dedim ki, ehtiyatlı olun. Kimsə sizə təxribat məqsədi ilə sataşar. O, da cavab verdi ki, „Mən məüssisənin həyətində getdiyim yerdə kimsə gəlib, öz yaxasını cırarsa, mən nə edə bilərəm?“

Vəkil çıxışının sonunda Əli İnsanov haqqında cinayət işinə bəraətverici əsaslarla xitam verilməsini istəyib. Məhkəmədə Əli İnsanovdan zərərçəkmiş, ədliyyə mayoru Anar Məmmədov da iştirak edib. O, çıxış edərək hökmün qüvvədə saxlanılmasını, apellyasiya şikayətinin rədd edilməsini istəyib.

Dövlər ittihamçısı Ceyhun Budaqov hökmün dəyişdirilməsinə heç bir əsasın olmadığını deyib. Məhkəmə müşavirədən sonra hökmün qüvvədə saxlanıldığını elan edib.

Qeyd edək ki, bir müddət əvvəl Ə.İnsanov barəsində Cinayət Məcəlləsinin 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama), 315.2-ci (Hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olmayan zor tətbiq etməklə müqavimət göstərmə, xidməti vəzifələrini yerinə yetirməsi ilə əlaqədar ona və ya onun yaxın qohumlarına qarşı belə zor tətbiq etmə və ya zor tətbiq etmə hədəsi ilə hədələmə, bu maddədə göstərilən şəxslərə qarşı həyat və sağlamlıq üçün təhlükəli olan zor tətbiq etmə) və 317-2.1-ci (Cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi, eyni əməllər təkrar törədildikdə) maddələri üzrə cinayət işi başlanmışdı. Ona törətdiyi əmələ görə 7 il 5 gün azadlıqdan məhrumetmə cəzası təyin edilmişdi.

Xatırladaq ki, Ə.İnsanov 2005-ci ilin oktyabr ayında həbs olunmuşdu. O, dövlət vəsaitlərinin mənimsənilməsində və dövlət aktivlərinin qanunsuz özəlləşdirilməsinin təşkilində ittiham edilirdi. 2007-ci ilin aprel ayında əmlakı müsadirə olunmaqla 11 il müddətinə azadlıqdan məhrum olunan Ə.İnsanovun cəza müddəti ötən ilin oktyabr ayında başa çatmışdı.

İlkin Muradov,
Musavat.com

Neftin qiyməti 45 dollara düşdü


Bu il ilk dəfə olaraq neft qiymətləri bir barrel üçün 45 dollardan aşağı düşüb. Bu ötən yanvardan bəri 20 faiz eniş deməkdir.

Brent markasından olan neftin bir barrelinin qiyməti iyunun 21-də axşam 44, 51 dollar olub. Bu, bir gün əvvəllə müqayisədə 3. 26 faiz azdır.
Təhlilçilərin arasında neft qiymətlərinin bir barrel üçün 30 dollara düşə biləcəyini proqnozlaşdıranlar da var.

Bundestaq təsdiqlədi – Almaniya „İncirlik“dən çıxır


Almaniya Bundestaqı ölkə Hərbi Hava Qüvvələrinin Türkiyənin „İncirlik“ aviabazasından çıxarılması haqqında qərarı təsdiqləyib.
incirlik_ussu_kapatilacak_mi_tasinacak_mi412017744
569 deputatın iştirak etdiyi səsvermədə 461 deputat lehinə, 85 əleyhinə səs verib, 23 deputat isə bitərəf qalıb.
Qeyd edək ki, Almaniya hakimiyyəti qoşunlarının „İncirlik“ hərbi bazasından çıxarılması zamanı ölkənin İŞİD-ə qarşı hərbi əməliyyatlarda iştirakını müvəqqəti dayandırdığını və buna görə Türkiyənin məsuliyyət daşıdığını bəyan edib.

AZAL-la bağlı ilginc faktlar – Hər “Boeing”in mayası 23 ilə çıxacaq


„“AZAL dünyada bir bazarda tək inhisarçı şirkətdir ki, ziyanla işləyir. 2016-cı ildə ölkə ərazisində hava nəqliyyatından istifadə edən sərnişinlərin 98,5%-i AZAL-la uçublar. 

1498050400_1169155_original

İstədikləri qiyməti qoyurlar, amma hər il də sənədlərdə „ziyan“la işləyirlər, büdcədən dotasiya, Mərkəzi Bankdan qaytarmayacaqları kreditlər alırlar”.

BakuPost.az xəbər verir ki, bu sətirləri iqtisadçı-ekspert Natiq Cəfərli feysbuk səhifəsində yazıb.

Onun sözlərinə görə, AZAL biri 250 milyon dollar olan 4 Boeing alır: „Bir uçaq orta məsafəli reysdən bütün xərcləri, vergiləri çıxanda, ortalama, 15 min dollar qazanır.

Bir uçaq orta məsafəli reysdə sutka ərzində 2 dəfə uçur. Deməli, bu 250 milyon dollarlıq Boeing 16667 reys etməli, bunun üçün isə 23 il uçmalıdır ki, mayasını çıxartsın”.

 

Onu da deyək ki, AZAL-ın uçuşlarının baha olmasından deputatlar da şikayətləniblər. Millət vəkili Qüdrət Həsənquliyev parlamentin iclasında qeyd etmişdi ki, ildən-ilə borclar və borc faizlərinin büdcədən ödənilməsindən narahatdır:

 

„Dövlət zəmanətləri ilə götürülən borclara görə pullar ödənilir. AZAL-a görə 624 milyon ödənilib. Dövlət AZAL-ı və digər bu kimi strukturları özəlləşdirməlidir”.