İRANA HÜCUM: Parlament, Xomeynin türbəsi və metro hədəf alındı


Bu gün İran paytaxtında baş vermiş terror hadisələri nəticəsində ölən və yaralananların sayı açıqlanıb.

APA-nın Tehran bürosunun xəbərinə görə, hadisələr zamanı 12 nəfər ölüb, 39 nəfər yaralanıb.

img-20170607-wa0009-710x401

Qeyd edək ki, bu gün eyni vaxtda İran parlamentinə və İmam Xomeyninin türbəsinə silahlı hücum olub.

 

İran parlamentində terrorçuların zərərsizləşdirilməsi üçün keçirilən əməliyyat başa çatıb.

APA-nın İran bürosunun xəbərinə görə, Milli Məclisə hücum edən 4 silahlının hamısı məhv edilib.

Hazırda binada axtarış aparılır.

Əməliyyat başa çatdıqdan sonra İran parlamentinin spikeri ƏLi Laricini hadisə yerinə baxış keçirib.

MTN-nin vor zakonu Hilal Əsədov məhkəmədə dindirildi


Keçmiş milli təhlükəsizlik nazirinin müavini Hilal Əsədov iyunun 7-də məhkəmədə dindirilib.

3b6228d8b9bb458befee0f440006a390-1024x576

O, MTN-in Energetika və Nəqliyyat Sahələrində Təhlükəsizlik Baş İdarəsinin sabiq rəisi, general Akif Çovdarov və işçiləri – Akif Əliyev, Orxan Osmanov və Səlim Məmmədovun məhkəməsində ifadə verib. Sabiq nazir müavini 8-ci kilometr bazarının onun həyat yoldaşı Nüşabə Əsədova və Çovdarovun qızı Aida Qasımovanın adına necə keçməsi haqda danışıb

wp-1478491730879.jpg

Məhkəməyə media nümayəndələri buraxılmadığından jurnalistlər sabiq nazir müavinindən məhkəmədən çıxarkən suallarına cavab almaq istəyib. Amma Hilal Əsədov sualları cavablandırmaqdan imtina edib. General məhkəmədə vəkili ilə birlikdə iştirak edib.

Akif Çovdarovun vəkili Sadiq Rəsulov AzadlıqRadiosu-na deyib ki, Hilal Əsədov məhkəmədə istintaqa ifadəsinin müəyyən hissəsini təsdiqləyib. Bildirib ki, Cəfər Səfərov və qardaşlarının işi üzrə bəzi məqamlar üzə çıxdığı üçün onlarla bağlı araşdırmanı dayandırmalı olublar. Akif Çovdarov da onun dediyini təsdiqləyib.

Amma söhbətin hansı məsələdən getdiyi bəlli olmayıb.

Akif Çovdarovun digər vəkili Kamandar Nəsibov isə deyir ki, Hilal Əsədovun istintaqa ifadəsi ilə məhkəmədə söylədikləri arasında ziddiyyət olub. Sabiq nazir müavini ziddiyyətə aydınlıq gətirərkən bildirib ki, istintaq zamanı verdiyi ifadəsini xatırlamır. Dediyinə görə, istintaq zamanı ifadə verərkən eynəyi yanında olmayıb və ifadəsini oxumadan imzalayıb.

HƏR ŞEY NECƏ BAŞLADI

Hilal Əsədov istintaqa ifadəsində deyib ki, 2005-ci ildən nazir Eldar Mahmudovun müavini olub. Birbaşa nazirin şifahi tapşırığı ilə 2005-2009-cu illərdə nazirliyin Antiterror Mərkəzinə, 2011-ci ildən sonra həm də Əks-kəşfiyyat Baş İdarəsinin işlərinə nəzarət edib.

8-ci kilometr bazarının Səfərov qardaşlarından alınmasına gəlincə, Hilal Əsədov belə ifadə verib: “Onların sabiq iqtisadi inkişaf naziri olmuş Fərhad Əliyevin yaxın adamları olduğunu bilirdim. 2005-ci il idi. Akif Çovdarov yanıma gəldi. Dedi, Çingiz Əsədov adlı şəxs Səfərov qardaşlarından şikayət edir. Çingiz Əsədov bildirmişdi ki, Səfərov qardaşları 2002-ci ildə zorla Naxçıvanski küçəsi 50-də yerləşən meyvə-tərəvəz bazarını onun əlindən alıblar. Ona hədə-qorxu gəliblər, qardaşını oğurlayıblar. O vaxt Səfərov qardaşlarının sabiq iqtisadi inkişaf naziri Fərhad Əliyevin yaxın adamları və kəndçiləri olduğunu öyrəndim. Fərhad Əliyev onda yenicə həbs edilmişdi, barəsində cinayət işi istintaq olunurdu”.

“SƏMİMİ ETİRAF EDİBLƏR”

Hilal Əsədovun sözlərinə görə, Səfərov qardaşları əməllərini – bazarı Çingiz Əsədovdan zorla aldıqlarını Akif Çovdarova etiraf ediblər: “Çovdarov o zaman Antiterror Mərkəzinin 1-ci idarəsinin 1-ci şöbəsinin rəisi idi. O, gördüyü işlərlə bağlı mənə məruzə edirdi. Çovdarov Səfərov qardaşlarını dindirmişdi, onlar elədikləri əməlləri səmimi şəkildə etiraf etmişdi. Çingiz Əsədovun isə Səfərov qardaşları barəsində rəsmi şikayət edib, onları həbs etdirmək niyyəti yox idi. O, yalnız bazarın geri qaytarılmasını istəyirdi Mən bunların hamısını Eldar Mahmudova məruzə elədim. Nazir məsələnin ciddi araşdırılmasını istəmişdi.

Mən nə Çingizi, nə də Səfərov qardaşlarını tanıyırdım. Bu məsələ ilə bağlı Çovdarov mənə gündəlik məruzə edirdi. Məruzələrdən sonra mənə məlum oldu ki, müəyyən məbləğ ödənildikdən sonra Səfərov qardaşları bazarı yenidən Çingiz Əsədova satıblar. Bu məsələlərdən sonra bazar Çingizə qaytarılıb”.

DEYİB “HALALLIQLA BAZARI ALIN”

Hilal Əsədovun sözlərinə görə, bu söhbətlərdən iki-üç həftə sonra Çingiz Əsədov bazarı satmaq istəyib: “Akif zəng edib bu barədə mənə məlumat verdi. Çovdarova dedim ki, bu məsələni mütləq Eldar Mahmudova məruzə edəcəyəm. Nazirin yanına getdim, bu barədə məlumat verdim. Eldar Mahmudov bir neçə günə cavab verəcəyini dedi. İki gün sonra nazir razılıq verdi. Eldar Mahmudov dedi ki, ‘halallıqla bazarı alın’. Bütün işlər Çovdarova tapşırıldı. Payım olsun deyə qayınatam Ənvər Məmmədova bazarın yarısını almağı təklif etdim. Digər yarısını isə Çovdarovun özü həll edəcəkdi. 70 min dollar qayınatama verdim, qalan pulu özü düzəltdi. Bazarın alınmasında rolum ancaq Ənvər Məmmədova pul verməyim olub. Bütün sənədləşdirmə işləri Akif Çovdarov və qayınatam tərəfindən aparılıb. Bazar qayınatam və Akif Çovdarovun yaxın adamı Elşən Hüseynova satıldı. Onların hər biri bazarda 50 faiz paya sahib oldular. Bazarı hazırda elə Elşən Hüseynov işlədir. 2012-ci ildə qayınatam özünə düşən payı yoldaşım Nüşabəyə verib. Bazarın alqı-satqısı, ada keçirilməsi 2005-ci ilin sonu, 2006-cı ilin əvvəllərində oldu. Bunların heç birində mən iştirak etməmişəm. Hər ay Ənvər Məmmədov Nüşabəyə 15-20 min dollar pul verirdi”. (azadliq.org)

“Zakir Qaralov gedib hakim ailәyә məxsus şirkәtlәri araşdırsın


Qəpik-quruşun izinə düşən baş prokuror, milyardları niyə görməzdən gəlir?

Hər dəfə səlahiyyət sahibləri dilə gələndə məlum olur ki, bu ölkədə qanunlara yalnız müxalifətçilər əməl etməlidir. Şəffaflıq, hesabatlılıq hökumət komandası üçün keçərli deyil. Hətta vəzifəli şəxslər barəsində dəhşətli faktlar güllə kimi yağsa da, bunu dilə gətirmək, icitmailəşdirmək olmaz. Çünki, vəzifəli şəxsin cinayətlərini ifşa etmək anti-Azərbaycançılıqdır, erməni dəyirmanına su tökməkdir. Ümumiyyətlə, bu ölkədə müxalifətin qəpik-quruşu aidiyyatı qurumları həyəcanlandırsa da, məmurların milyardları qətiyyən həyəcan yaratmır.

Zakir-Qaralov-imzalama

Belə bir həyəcanlı açıqlama bu dəfə də baş prokuror Zakir Qaralovdan gəldi: “Özünü müxalifət adlandıran, heç bir hüquqi qeydiyyatdan keçməyən həm QHT-lər, həm də siyasi partiyalar aldığı qrantlar barədə məlumat vermirlər. Biz də məcbur olduq ki, bir sıra tədbirlər görək. Gələcəkdə də bu halların qarşısı alınacaq.

Bunada bax – Zakir Qaralovun sərvətləri

Həmin yoldaşlara sual olunur – onlar 10 illərlə hər hansı bir qurumda işləməyərək cangüdənləri necə saxlayır? Müxtəlif avtomobilləri hansı pulla alırlar? Xarici səfərləri nəyin hesabına edirlər? Həmin qüvvələr maliyyə hesabatları vermirlər. Nümunə kimi deyə bilərəm ki, hakim Yeni Azərbaycan Partiyası həm Maliyyə Nazirliyinə, həm də Ədliyyə Nazirliyinə hesabat verir. Bəziləri qanundan danışırlar, amma özləri bu cür qanunsuz qrant korrupsiyasına qoşulublar. Hesab edirəm, artıq vaxt çatıb ki, bu qurumların tam geniş şəkildə maliyyə mənbələrinin ciddiliklə yoxlanılmasını təmin edək”-deyə Zakir Qaralov bildirib.

Bunada bax Azərbaycanı idarə edən mafiya

Əslində, baş prokurorun suallarına təbəssümsüz reaksiya vermək mümkün deyil. Bu vəziyyətdə “öz gözündə tiri görməyib, özgəsinin gözündə qıl axtarmaq” deyimi çox yerinə düşür.
Əvvəla, bugünə qədər ortaya çıxan faktlar, dünyanın reaksiyası sübuta yetirdi ki, xaricdən pul gətirmək ittihamıyla həbs olunmuş adamlar siyasi şərin qurbanıdırlar. Məsələn, Gürcüstan hökuməti Əfqan Muxtarlının Tbilisidən oğurlandığını etiraf etdiyi halda, bizim prokurorluq bu adamı sərhəddi pozmaqda ittiham edir. Bəli, Zakir Qaralov Əfqan Muxtarlı, Gözəl Bayramlı rüsvayçılığıyla bağlı suallara cavab vermədiyi halda, başqalarına sual ünvanlamaq eşqinə düşüb .
İkincisi, Zakir Qaralov kimdən və nəyin hesabatını istəyir? İllərdi qərargahsız qalan, 10-dan artıq üzvü şərlənərək həbs edilən, sədrinə xarici posport verilməyən partiyadan maliyyə hesabatı istəyir? Adamların müxalifətçi olduğuna görə işdən çıxarıldığı, doğmaları ilə şantaj edildiyi ölkədə baş prokuror hansı şəffaflığı tələb edir? Əgər prokurluğun əlində daşdan keçən faktlar varsa, niyə illərdi bu faktlar ortaya qoyulmur? Niyə adamların cibinə narkotika, pul, silah atıb şərləmək zərurəti yaranır? Deməli, bütün ittihamların qondarma olduğu, müxalifətin fəaliyyətində hər hansı qanunpozuntusunun olmadığı etiraf edilir.
Üçüncüsü, biz də Zakir Qaralova sual edirik. Yeni Azərbaycan partiyasının üzvü Tağı Əhmədovun 3 milyon manatı hansı yola qazandığını sübuta yetirə bildimi? 1500 manat maaş alan məmurun, 150 milyonluq holdinqləri necə yaratdığnı sübuta yetirdimi? Son 15 ildə ölkədən offşor hesablara çıxarılan 95 milyardın izinə düşə bildimi? Avropalı deputatlara 2.4 milyon avro rüşvət verən deputatları qandalladımı? Dubay mülklərinin, Çoxdar qızıl yataqlarının həqiqi sahiblərini üzə çıxara bildimi? Müxalifət liderinin hansı pulla avtombil aldığını öyrənməyə çalışan baş prokurur, onlarla avtomobil salonuna sahib olan məmurların qanunsuz fəaliyyətini niyə üzə çıxarmır? Çeşidli cinayətlərdə ittiham olunan Eldar Mahmudovu niyə məsuliyyətə cəlb edə bilmir? Müxalifət liderinin cangüdənlərinin partiya üzvləri olduğunu Zakir Qaralov da yaxşı bilir. Amma qoçu dəstəsi saxlayan nazirlərə “mıkk” edə bilməyən prokuror, müxalifət liderinin cangüdəni hansı pulla saxlamasını öyrənməyə çalışır. Hesablama Palatasının hesabatlarından görünür ki, bütün strukturlarda külli miqdarda yeyiniti aşkarlanıb. Zakir Qaralov bu strukturların rəhbərlərini məsuliyyətə cəlb edə bilibmi? Təhsildəki, səhiyyədəki korrupsiyanı aşkara çıxarıbmı?
Bütün beynəlxalq hesabatlara Azərbaycan “korrupsiya çempionu” olub, amma Zakir Qaralov müxalifətçilərin necə dolandığından narahat olub. Bu ölkədə hansı məhsulun hansı məmurun inhisarında olduğunu balaca uşaq da bilir, amma böyük prokuror bu haqda bir dəfə də danışmağa cəhd etməyib.
Hüquqsuzluğun, talançılığın, korrupsiyanın tüğyan etdiyi ölkədə baş prokuror müxalifətçi ovuna çıxmalı deyil. Günahsız adamların fəaliyyətini araşdırıb, günahkarlara “yaşıl işıq” yandırmaq da analoqsuzluq siyasətinin tərkib hissəsidir.
Yaxşı olar ki, Zakir Qaralov əvvəlcə YAP-çı milyarderlərdən hesabat tələb etsin, sonra müxalifətçilərin 5-10 manatını sayar. Çünki, 123 milyard neft pulunu mənimsəyən, dünyanın müxtəlif ölkələrində biznes imperiyası quran, çirkli əməkdaşlıqlarda adı hallanan müxalifətçilər deyil.
Zakir Qaralov şəffaflığı, hesabatlılığı hardan və kimdən tələb etmək lazım olduğunu gözəl bilir. Sadəcə olaraq bu ölkədə bütün qurumlar rejimin əl oyuncağı olduğuna görə, prokurorluq səhv ünvanda araşdırma aparır.
Müxtəsər, Zakir Qaralovun sualları bumeranq effekti verir və rejimin başına çırpılır. Şərləyib həbs etmək, belə biabırçı suallar verməkdən abırlı görünür. Əslində, bu ölkədə xeyli suala cavab verməli olan adamlardan bri də Zakir Qaralovdur. Ona görə də məsləhət görürük ki, baş prokuror sual ünvanlayanda ehtiyatlı olsun.