Əsgərov deyirdi ki, onun atası çörək bişirəndi, getsin, çörəyini bişirsin



Nicatı 3 il öncə Qazaxıstana mən aparmışam. Onun perspektivini görmək lazım idi. Lakin burada bəziləri kor idilər, görmədilər”. 
Bunu müsahibəsində Nicat Rəhimovun atası Əli Rəhimov deyib.
Oğlunun Rio Olimpiadasında çempion olmasının sevincini bölüşən Rəhimov bildirib ki, rekordla gələn „qızıl” Nicatın zəhmətinin bəhrəsidi: „Yarışdan əvvəl də, sonra da Nicatla danışmışam. Ona dünən mübarizəyə başlamazdan, körpücük üzərinə çıxmazdan öncə dedim ki, bala, 2 yaşında bu əziyyəti çəkməyə başlamısan. Səni çiyinlərimdə məşqə aparmışam. Bildirdim ki, bu əziyyətin bəhrəsini indi görməlisən. 20 ildən artıqdı bu uğur üçün çalışırdı. Onun bir şəkli var ki, orada əlini göstərir. Yəni, həmin əllər sayəsində bu səviyyəyə çatıb”.
Sevincindən gecə yatmadığını deyən ata Rəhimov fəxri kürsüdə ağlamasını görməyib. Onun sözlərinə görə, bu səbəbdən Nicatın hansı səbəbdən göz yaşları axıtmasını deyə bilməyəcək:“Mükafatlandırma mərasiminə baxmamışam. Düzdü, İTV oğlumun yarışını göstərdi. Amma incikliyim ondandı ki, mükafatlandırma mərasimini yayımlamadılar”.
Rəhimov oğlunun Azərbaycandan getməsində „payı” olanlara təşəkkür də edib. Onun sözlərinə görə, Nicat burada qalsaydı, yığmadakı ab-havaya görə nə dünya, nə də Olimpiya çempionu ola bilərdi: „2013-cü ilin avqustundan Qazaxıstana yollanan Nicat hələ Azərbaycana gəlməyib. Onun gedişi bizim bəzi federasiya rəsmilərinin sayəsində oldu. Bəzi KİV-lər Nicatın təlim-məşq toplanışından qovulduğunu, bəziləri isə Azərbaycandan qaçdığını yazdılar. Onu vətən xaini kimi qələmə verdilər. Amma oğlum Azərbaycandan nə qaçıb, nə də qovulub. Bəzi „insanlar”ın sayəsində ölkədən qaçırılıb. Azərbaycan Ağır Atletika Federasiyasının sabiq icraçı direktoru İsgəndər Əsgərov və baş məşqçi Zlatan Vanevin üzündən onu təlim-məşq toplanışından özüm apardım. O vaxt elə apasport.az saytına müsahibəmdə onların ünvanına hər sözü demişdim. Amma indi fikirləşirəm ki, gərək təşəkkür edərdim”.
Nicatın atası sabiq federasiya nümayəndəsinin ona „məsləhətlər” verdiyini də açıqlayıb: „Həmin vaxt Əsgərov mənə təklif etdi ki, oğlunu götür, apar Gürcüstana. Federasiya prezidenti Cahangir Əsgərova da bu barədə məlumat vermişəm. Amma ona qulaq asmayıb, Qazaxıstana apardım. Qardaş ölkədi, bayrağı dalğalananda „Nicat ağladı” dediz. Onlar da Türk dilli ,İslam ölkəsidi, bayraqları yaşıldı. Sonra oğlumun gah „alkaş”, gah da müxalifətçi adlandırdılar. Bilmirəm, mən nə vaxt müxalifətçi olmuşam? Könüllü olaraq, vətənimi qorumuş bir insanam. 

Mən İlham Əliyevə bu barədə məktub yazacam. Nicat da, mən də Azərbaycan ağırlıqqaldırmasının „sıfır”a enəcəyini demişdik. Həmin vaxt bu söhbətlərə dırnaqarası baxırdılar. 

Hətta İsgəndər Əsgərov deyirdi ki, onun atası çörək bişirəndi, getsin, çörəyini bişirsin. Zlatan Vanevi çox tərifləyirdi. Amma o, Azərbaycan ağır atletikasını kökündən məhv etdi. Yenə də deyirəm, düzəlməyəcək. Çünki elə bir zərbə vurub ki… Deyirdim ki, ağır atletika bazasında pozğunçuluq baş alıb gedir, içki içən kim, qumar oynayan kim, siqaret çəkən kim. Bu indi də davam edir. 12-13 yaşlı uşaqlar təlim-məşq toplanışında siqaret çəkirlər, avaralıq da edirlər. Bunun bünövrəsini Əsgərovla Vanev belə qoyub. İkisinə təşəkkür edirəm ki, məni oğlumu buradan aparmağa məcbur etdilər. Aparmasaydım, o da digərlərinin tayı olacaqdı, bədbəxt həyat sürəcəkdi”.
Əli Rəhimov bu gün ya sabah Qazaxıstana da yollanacağını deyib. O vurğulayıb ki, yığmanın baş məşqçisi şəxsən ona zəng edərək, bu ölkəyə dəvət edib: „Dünəndən bəri yatmamışam. Sizə „Riodan sonra danışacam” demişdim. Sizin vasitənizlə Azərbaycan xalqına təşəkkür edirəm. Çünki millətimizin oğluma necə dəstək olduğunu gördüm. Nicat Olimpiya çempionu olduqdan sonra sosial şəbəkələrdəki səhifələrinə yüzlərlə təbrik yazıldı. Hamısı da „sağ ol ki, getmisən” yazıb. İndi də məni komandanın baş məşqçisi oğlumu qarşılaşmaq üçün Qazaxıstana dəvət edib. Yuxusuzam, yorğunluğu yoluna qoyduqdan sonra oraya gedəcəm”. /Apasport.az/

 

  
 

 Həbsdəki MTN -nin xanım generalı Eldar Mahmudov ,Hilal Əsədovu satdı



Ləğv olunmuş Milli Təhlükəsizlik Nazirliyinin həbsdə olan Əməliyyat-texniki idarəsinin sabiq rəisi, general-mayor Natəvan Mürvətova istintaq tərəfindən dindirilib. Gununsesi.info-nu bilgiləndirən mənbənin sözlərinə görə, xanım general istintaqa ifadəsində sabiq nazir Eldar Mahmudov və onun müavini olmuş Hilal Əsədovun əleyhinə ifadə verib. Belə ki, Nətavan Mürvətova rəisi olduğu idarənin vəzifəli şəxsləri qanunsuz dinləməsi barədə suallara cavab verərkən, tapşırığın nazir və onun müavini olmuş Hilal Əsədovdan aldığını deyib.
İşçilərinin bir-birinin ardınca Eldar Mahmudun üzünə dayanması isə yaxın perspektivdə həbsinin gözləniləcəyinə əsas verir. 11 il nazir olduğu dönəmdə ona etibar olunan vəzifədən sui-istifadə edərək, nazirliyi cinayətkar yuvasına çevirən Eldar Mahmudovun azadlıqda qalması cəmiyyətdə ciddi narazılıqla qarşılanmaqdadır.

Eldar Sabiroğlu:oğlum Rüfətlə məhkəmənin ən sərt qərarına hazırıq!



Azərbaycanın hər bir guşəsi mənim üçün əziz və qiymətlidir. Bu gündən sonra isə vətənin bir parçası olan cənub zonası, xüsusilə Lənkəran şəhəri dünyaya göz açıdğım İrəvan mahalı qədər doğma və unudulmaz torpağa çevrildi.

Oğlum Rüfətin burada keçirilən məhkəməsi zamanı insanların səmimiyyətini, ömrümdə üzünü görmədiyim ,salam-sabah etmədiyim adamların məhkəmə zalına gəlmələri məni çox duyğulandırdı.

Gizli bir şey yoxdur. Müxalifətdən də nümayəndələr gəlmişdi. Hətta “Azadlıq” qazetinin müxbiri də orada iştirak edirdi. Onları kimsə dəvət etməmişdi. Özləri təşrif buyurmuşdular. Ola bilsin bəziləri məni və oğlumu müxalifətçilikdə günahlandırsınlıar. Ancaq səhv etmiş olarlar. Vəziyyətin niyə bu cür şəkil aldığı dərindən təhlil edilsə, o zaman mənim və övladımın günahsız olduğunu yəqin edə bilərlər. 

Bu, vicdanın işidir. Təzadlı bir məsələ də odur ki, həyatımın 20 ilini bu iqtidarin müdafiəsinə həsr edərək müxalifəti o ki var tənqid atəşinə tutmuşam. İndi onlar oğlum Rüfətin müdafiəsi üçün səylər göstərir, iqtidar isə onu müttəhimlər kürsüsundə əyləşdirir. Etmədiyi, baş vurmadığı işlərə görə onu mühakimə edirlər. Hər şeyin saxta və qurama olduğu göz önündədir.

Məhkəmə zamanı oğlumun üzünə baxa bilmirdim. Bu ədalətsiz səhnə məni çox sıxırdı, öyrədilmiş yalançı şahidlərin ifadələrini dinləmək mənim üçün olduqca ağır idi. Bəli, indi iqtidar sanki məni etmədiyim bir işə görə mühakimə edir. Ancaq Allahın ədaləti dözümlü və səbrli olmağa güclü təkan verir. 

Çünki ölkə prokurorluğunun püskürən ədalətsizliyi önündə Uca Allaha tapınmaqdan başqa çarəm yoxdur. Əslində onlar özü də hansısa yüksək məqamdan gələn sifarişin əsirinə çevrilib. O mənbənin, o zülmkar, zalım mənbənin ünvanını öz siyasi hekayətlərimdə xalqın diqqətinə çatdıra bilmişəm. 

Çoxları gəlib-gedib, mən də, oğlum Rüfətin həbsinə qərar verənlər də günlərin birində bu dünyadan yır-yığış edib əbədi dünyamıza doğru yürüyəcəyik. Allah kimin harada əbədi məskən salacağını özü göstərəcək. Ən ağır imtahan bax o zaman olacaq.

Daha arxasını gətirmək istəmirəm. Mənə göstərilmiş haqsız münasibətin qaynaqlandığı mənbə gün işığı kimi aydın və məlumdur. Lakin mən bu cəzanı haqq etməmişdim. İmdad diləyəcək bir yer də görmürəm, sadəcə, saxta və qurama bir işin necə yekunlaşacağı maraqlı görünür.

Artıq hər şey mənim üçün adiləşib. Əvvələr bəlkə də sıxılırdım, lakin bu gün mən də, oğlum Rüfət də məhkəmənin ən sərt qərarına hazırıq.

Eldar Sabiroğlu

Hüquq müdafiəçisindən Müxalifət liderlərinə birləşmə təklifi



Hörmətli İsa Bəy ,Cəmil Bəy,Əli Bəy ,Arif Bəy !

 1993 cü il tarixdən başlayaraq Azərbaycanda Kriminal,anti-milli hakimiyyət formalaşmağa başlamış. 2003 il tarixdə Heydər Əliyev Dünyanın super Dövlətləri ABŞ,Russiya,Türkiya Dövlət başçıları ilə separat danışıqlar əsasında qanunsuz olaraq İlham Əliyevi hakimiyyətə gətirmiş(neft müqaviləsi və s amillər mühüm rol oynamışdır)İlham Əliyev 13 il ərzində faktika Azərbaycanda nəin ki, kriminal, hətta anti-milli,korupsiya,rüşvət,xalqa qarşı genosid,törədən,(bu amillər dövlət idarəçilik cicteminə çevirilmişdir) bir hakimiyyət formalşdırmışdır ki, artıq bu hakimiyyət nəinki Azərbaycan xalqınıa,hətta Bəşəriyyət üçün bir qorxulu problemə çevrilmişdir.Bu hakimiyyət dünya birliyinin və Sizlərin(müxalifət liderlərinin) gözü qarşısinda formalaşmışdı. Bu səbəbdən ,əgər vətəndaşlar bir fərd kimi(öz hüquqlarını qoruya bilməmək) təqsirlər varsa. Sizin bir Müxalifət partiyaları kimi məsüliyyətiniz daha böyükdur .

23 ildə 100 dəfə birləşib(siyasi ambissiya nəticəsində) 150 dəfə parcalanmısınız. Bu gün bu kriminal hakimiyyət daha dərin gedərək öz hakimiyyətlərini artıq əbədi etmək istəyirlər . Bəlkə sonuncu dəfə siz də siyasi ambisiyalarınızı xalq naminə atıb əbədi birləşib,bir yumruq kimi formalaşıb sözün əsil mənasında „müharibə“ elan edəsiniz bu kriminal hakimiyyətə !
Mənim təkliflərim var . Təkliflərimlə“ Xalqa müraciət „statusumda tanış ola bilərsiniz. Əgər xalqın,millətin bu ağır son döyüşündə birləşə bilməsəniz .
Sizin Xalq qarşısında məsüliyyətiniz kriminal rejimin məsüliyyətindən də daha məsüliyyətli olacaq !

 Müstəqillik və Mübarizə dövründə 10 000 lə şəhid və siyasi məhbuslar, qətlə yetirilmiş şəxslər qarşısinda da məsüliyyətiniz böyük olacaq ! Milli Qeyrət -Xalq naminə Bir Olaq !

Hörmətlə .DMK İB Prezidenti ,Sabiq Vicdan Məhbusu Hüquq Müdafiəçisi 

 Vidadi İsgəndərli 

 11 avqust 2016 cı il tarix 

  Bakı şəhəri

Cahangir Əsgərov Azərbaycan adında olan hər kəsə nifrət edir



AZAL Prezidenti Cahangir Əsgərovun korrupsiya yolu ilə milyardları mənimsəməsi, bizim milləti bəyənməməsi, az qala Azərbaycan millətinə və dilinə nifrət etməsi barədə dəfələrlə yazmışdım. Onun başçılıq etdiyi dövlət qurumunda azərbaycan dilində danışmağın qəbahət olduğunu, danışıq dilinin rus dili olması barədə onlarla digər yazılar da olmuşdu.
Dünən Braziliyada keçirilən Yay Olimpiya Oyunlarında 22 yaşlı əslən azərbaycanlı olan Nicat Rəhimovun dünya rekordlarını qırmaqla Qazaxıstan yığma komandasına qızıl medal qazandırması bir daha Cahangir Əsgərov fenomenini yada salmağa məcbur etdi. Bir daha əmin oldum ki, bu şəxs azərbaycan adında olan hər kəsə nifrət edir!

Cahangir Əsgərov “AZAL” Prezidenti olmaqdan başqa həm də Azərbaycan Ağır Atletika Federasiyasının (AAAF) Prezidentidir.


 Məhz bu təşkilat bu gün olimpiya çempionu, az əvvəl isə dünya çempionu olmuş azərbaycanlı Nicat Rəhimovu Azərbaycandan didərgin saldı. Məhz Cahangir Əsgərovun icraçı direktoru İsgəndər Əsgərov bu sözləri demişdi: “Nicatın şəxsi məşqçisi onun atasıdır. Atası isə çörəkbişirəndir. Ancaq Zlatan peşəkar məşqçidir”. Cahangir Əsgərovun təşkilatının çörəkpişirən adlandırdığı bu Kişi dəfələrlə Azərbaycan ağır atletlərinin məcburən dopinq qəbul etdiklərini, heç bir nizam intizam olmadığını mətbuatda da elan etmişdi. 


Nəticə görmədikdə isə oğlu Nicatı özü məşq etdirmiş, Qazaxıstan yığmasına aparmış və bu ölkəyə dünya və olimpiya oyunlarının qızıl medallarını qazandırmışdır. Cahangir Əsgərovun başçılıq etdiyi federasiya və idmançılar isə dopinq qalmaqalına görə dəfələrlə dünya gündəminə gəlmiş, 20 yaxın idmançı dopinq qəbul etdiyinə görə yarışlardan uzaqlaşdırılmış, Azərbaycan isə dünyada biabır olmuşdu.
Sonda nəzərinizə çatdırım ki, Braziliya Yay Olimpiya oyunlarında iştirak edən 56 idmançılarımızdan 35-i leqioner və yalnız 21 nəfər azərbaycanlıdır. Qızıl medal qazanacaq azərbaycanlıları ölkədən qovub əcnəbilərə milyonlar verib olimpiadaya göndəririk. Onlar da sonuncu yerləri tuturlar. Dünya Şöhrətli rəhmətlik Vüqar Həşimovla da eyni cür davranmışdıq.
P.S. Azərbaycanlı olaraq Nicat Rəhimovu həm qızıl medal qazanması, həm də bu korrupsionerlərin əlində alətə çevrilmədiyinə görə təbrik edirəm!

Hüquqşünas  Aslan Ismayılov 

Avropada saxta Facebook profili cinayət SAYILACAQ



Britaniyada,Fransa’da ,Almanyada və İsveçrədə  internet trollarının, təhqir və hədələyici postların göndərilməsi məqsədilə saxta Facebook hesablarının yaradılması, yenilənmiş qaydalara görə, cinayət əməli sayılacak 

Prokurorluğun məlumatında deyilir ki, cinayət məcəlləsinə əlavələr son zamanlar baş vermiş qanunsuzluqları nəzərə alır.

The Evening Standard-a istinadən bildirir ki, yeni qaydalara görə, öz qurbanlarının adından postlar yazmaq məqsədilə saxta profil yaradanlara qarşı cinayət işinin qaldırılması mümkün sayılacaq.

Kral Dövlət Prokurorluğu Xidmətinin direktoru Alison Saunders deyib ki, bəziləri yanlış olaraq düşünə bilərlər ki, saxta profilləri yaratmaqla qanundan gizlənə bilərlər.

O deyib ki, qanunu pozanları internetdəki „izləri“ vasitəsilə aşkar etmək tamamilə mümkündür.

5 ilədək həbsxana
BBC-nin məlumatına görə, cinayət məcəlləsinə əlavələr barədə ictimai məsləhətləşmələr aparılacaq.
Alison Saunders bildirib ki, sosial media vasitəsilə başqalarının güdülməsi və təhdid edilməsinə görə 5 ilədək azadlıqdan məhrumetmə tətbiq oluna bilər.

Xanım Saundersin sözlərinə görə, prokurorluq sosial mediaların və internet texnologiyalarının inkişafı ilə ayaqlaşa bilmək üçün daim iş aparır.

Onun sözlərinə görə, sosial medialardan cinayətlərin törədilməsi üçün getdikcə daha çox itstifadə olunduğu müşahidə edilir. Məsələn, „porno qisasçılığı“ deyilən yeni cinayət əməli xüsusilə geniş yayılıb.

Prokurorluğun açıqlamasında bildirilir ki, sosial media vasitəsilə cinayətlər bir çox hallarda qadınlara və qızlara qarşı yönəlmiş olur.

Sosial media nəhəngi Twitter bildirib ki, bədxah şəkildə istifadə olunmaq üçün yaradılmış hesablar daimi qapadılacaq

Facebook-un qaydalarında da buna bənzər məqamlar var.