Azərbaycan Respublikası Kütləvi İnformasiya VasitələrinəBu gün  Avar çəkmə üzrə Azərbaycan idmançısı  içtimai fəal Fikrət Məmmədov Kütləvi informasiya vasitələrinə müraciyyət edərək 13 oktyabır 2003-cü il tarixdə naməlum şəraitdə oğurlanmış və bu günə kimi barəsində heç bir məlumat olmayan MTN-nin zabiti Abdullayev Mahir İslam oğlu barəsində bəyanat yaymışdır.

Fikrət Məmmədov Mahir Abdullayev ilə bağlı bəyanatla çıxış edib. Bəyanatda deyilir: «Bəlli olduğu kimi, Azərbaycan Respublikası MTN-nin zabiti Abdullayev Mahir İslam oğlu 15 oktyabr 2003-cü ildə keçiriləcək prezident seçkiləri ilə əlaqədar 13 oktyabr 2003-cü il tarixdə respublika stadionunda Prezidentliyə namizəd İlham Heydər oğlu Əliyevin gənclərlə nəzərdə tutulmuş görüşündə iştirak etmək üçün saat 10:30 radələrində evdən çıxmış və bir daha geri qayıtmamışdır. Hal-hazıra kimi də ondan heç bir məlumat yoxdur. Oktyabr ayının 14-də hadisə barəsində hüquq-mühafizə orqanlarına yaxınları tərəfindən müraciət edilmiş, Mahirin itkin düşməsindən sonra keçən bu on üç il ərzində zərərçəkmiş tərəfi onun axtarışı ilə məşğul olmuş, onun tapılması üçün bütün leqal və qeyri-leqal yollara baş vurub, əllərindən gələn mümkün olan hər bir vasitədən istifadə etmişlər. Hadisədən bir ay sonra 14 noyabr 2003-cü il tarixdə Bakı şəhər prokurorluğu tərəfindən fakta görə Azərbaycan Respublikası CM-nin144.2.6-cı maddəsi ilə (adam oğurluğu) cinayət işi başlanmış və istintaq aparılması üçün Bakı şəhər baş polis idarəsinin istintaq idarəsinə göndərilmişdir. İş üzrə aparılmış istintaq zamanı Mahir Abdullayevin barəsində heç bir məlumatın əldə edilmədiyini, onun qətlə yetirilməsinə şübhələr olduğunu nəzərə alaraq həmin cinayət işi 06 yanvar 2005-ci il tarixdə Azərbaycan Respublikası CM-nin 120.1-ci maddəsinə (qəsdən adam öldürmə) tövsif edilərək istintaq aidiyyatı üzrə Azərbaycan Respublikası Baş prokurorluğunun Ağır cinayətlərə dair işlər üzrə istintaq idarəsinə göndərilmişdir. Lakin Mahir Abdullayevin oğurlanması işi üzrə istintaq bütün bu illər ərzində qeyri obyektiv aparılmış və onun yaxınları təqiblərə məruz qalmışlar. Mahir Abdullayevin yaxınları Azərbaycanda məruz qaldıqları təzyiq və təqiblərlə əlaqədar və eyni zamanda bu işdə şübhələndikləri bəzi şəxslər barəsində dəfələrlə respublikada müxtəlif instansiyalara müraciət etmişlər, lakin heç bir nəticəsi olmayıb. Konkret olaraq 2009-cu ilin fevral ayından başlayaraq dəfələrlə Azərbaycan Respublikasının Milli Təhlükəsizlik Nazirliyinə və respublika prokurorluğuna şikayətlərlər vermişdirlər. Əllərində olan bir sıra sübutları o cümlədən videomaterialları MTN-in əməkdaşına rəsmi şəkildə təqdim edilmiş və həmin əməkdaşın video diskləri onlardan götürməsi prosesinin də videoçəkilişini aparmışlar.

04 oktyabr 2012 il tarixində Azərbaycan Respublikası Milli Təhlükəsizlik Nazirliyinin əməkdaşı Abdullayev Mahir İslam oğlunun oğurlanması faktına görə başlanmış cinayət işinin araşdırılması üçün AR Baş Prokurorluğu yanında Müstəqil İstintaq Komissiyası yaradılır. Təssüflər olsun ki, “müstəqil” istintaq komissiyası da baş ptokurorluğun ən-ənənəsinə sadiq qalaraq Mahir Abdullayevin axtarılması ilə, onun yaxınlarına qarşı törədilmiş cinayətlərin araşdırılması ilə məşğul olmamış, Azərbaycanda adam oğurluğu ilə məşğul olan mütəşəkkil cinayətkar təşkilatın əlinə oynamış, bu olayı gündəmə gətirməyə çalışan hər bir şəxsə qarşı şər və böhtan xarakterli materialları toplamağa üstünlük vermişdi. MİK Mahir Abdullayevin cinayət işini açmaq əvəzinə zərərçəkmişi susdurmaq məqsədi ilə ona qarşı çoxsaylı təzyiq vasitələrindən istifadə etmişdir.

Əgər Mahir Abdullayevin 13 oktyabr 2003-cü il tarixdə evdən çıxıb və bir daha geri qayıtmaması ilk öncə qardaşı professor Elşad Abdullayevin rektoru olduğu universiteti əlindən alınması məqsədi ilə oğurlanması kimi anlaşılırdısa, hal hazırda uzun illər ərzində sonuncunun aqibətinə hüquq-mühafizə orqanları tərəfindən aydınlıq gətirilməməsi bu işin arxasında respublikada digər törədilmiş və bu günə kimi üstü açılmamış daha böyük cinayətlərin olmasından xəbər verir və hüuq-mühafizə orqanlarının Mahir Abdullayev olayının üstündən sükutla atlayıb keçməsi siyasi sifariş kimi hesab olunur

Son illərin təcrübəsi göstərir ki, hakimiyyətdə təmsil olunan cinayətkar şəbəkə öz qurbanlarına qarşı repressiya siyasəti yürüdür və həmin insanları cəmiyyətdən təcrid etmək üçün müxtəlif yollara əl atır. Bu yollardan insanların cibindən «narkotik» tapılması, oğurlanması, öldürülməsi, işgəncələrə məruz qalması kimi metodları misal gətirmək olar. Məqsəd haqq səslərinin ucalmasına qanuni şərait yaradan insan haqlarını boğmaq, siyasi fəallıq göstərən və yaxud var dövlətləri əllərindən alınan, əzizlərini axtaran insanların səsini kəsmək, onları müxtəlif vasitələrlə cəmiyyətdən uzaqlaşdırmaqdır. Hüquq-mühafizə orqanları Mahir Abdullayev olayının mahiyyətiniiçtimayyət arasında heçə endirmək məqsədilə bu cinayətin baş verməsində elə onun özünün yaxın qoumlarını şərləməyə çalışmışdır. Elə bu məqsədlə də Mahir Abdullayevin qardaşı oğlu Abdullayev Mübariz Əslan oğlunu ədalətsiz olaraq sonuncunun oğurlanmasında günahkar çıxartmağa çalışmışdır. Lakin mahiyyətinə görə bu eybəcər plan effektsiz olduğundan Mübariz Abdullayevi öz əmisi Mahir Abdullayevi geri qaytarmaq imitasiyası yaratmaqla onun qardaşlarından, yəni əmilərindən külli midarda pul almağa cəhd etməkdə günahlandırıb onu on il müddətinə dəmir barmaqlıqlar arxasına göndərirlər. Azərbaycan vətandaşı olaraq bu bəyanatla tələb edirəm ki, Mahir Abdullayevin aqibətinə aydınlıq gətirilsin, saxta ittihamllarla həbs olunan qardaşı oğlu, siyasi məhbus Abdullayev Mübariz Əslan oğlu azadlığa buraxılsın, onu şərləyən polis işçiləri cəzalandırılsın, aidiyyatı qurum rəhbərliyi baş vermiş bu biabırçılığa görə rəsmi şəkildə üzr istəsin!». Müşahidələr göstərir ki, Abdullayev Mübariz saxlandığı andan prosedur pozuntularla üzləşib. O ilk andan vəkillə təmin olunmayıb, yaxınları həbslə bağlı bilgilındirlməyib, ifadələr fiziki və mənəvi təzyiqlər altında alınıb. Bütün bunlar Mübariz Abdullayevə qarşı qərəz olduğunu sübut edir.

Son dövrlər MTN-nin bir sıra yüksək rütbəli zabitlərinin həbs olunması və barələrində cinayət işlərinin qaldırılması belə düşünməyə əsas verirdi ki, bu prosesdə oğurlanmış Mahir Abdullayev in də aqibətinə aydınlıq gətiriləcək. Lakin təssüflər olsun ki, bu prosesdə nəin ki, Mahir Abdullayev məsələsinə aydınlıq gətirilmədi, ümumiyyətlə heç onun adı belə çəkilmədi. Artıq içtimayyət üçün də sirr olmayan bu qanunsuzluq faktlarını kəskinliklə pisləyirəm. Bütün bu baş verənləri birmənalı şəkildə ölkə vətəndaşlarının hüquq və azadlıqlarına yönələn represiya kimi dəyərləndirirəm.

Elə bu səbəbdən də söhbəti gedən olay ətrafında bütün ictimai aktiv insanları həmrəy olmağa çağırıram. Bir Azərbaycan vətandaşı, gənci olaraq daim insan haqlarının keşiyində durmağa çalışmışam. Hər zaman bu cür halların baş verməsini pisləmişəm. Bu cür hallar Azərbaycan Respublikasının istər xarici, istərsə də daxili siyasətinə, ölkənin beynəlxalq nüfuzuna, insanların dövlətə olan inamına və vətandaşla dövlətin arasındakı əlaqədə uçurumun yaranmasına gətirib çıxarır.

Bu gün mediadan, eləcədə İnternet resurslarından məlum olur ki, rəsmi orqanlar tərəfindən Mahir Abdullayevin aqibətinə aydınlıq gətirilməsini, Mübariz Abdullayev barəsində absurd qərarın ləğv olunmasına çalışan və dirək olaraq bunları tələb edən Mahir Abdullayevin Hüquqlarının İçtimai Müdafiə Komitəsidir. Komitənin fəaliyyətini izləyərkən belə nəticəyə gəlmək olar ki, komitə üzvləri haqqın öz yerini tapması üçün bütün resurslarını səfərbər edib, konstitutsiya ilə onlara verilmiş hüquqlardan istifadə edərək vətəndaşlıq vəzifələrini yerinə yetirirlər.

Yuxarıda göstərilənləri nəzərə alaraq media vasitəsilə Mahir Abdullayevin Hüqularının İçtimai Müdafiə Komitəsinə müraciət edərək Müdafiə Komitəsinə üzv olmağıma və orda aktiv fəaliyyət göstərməyimə şərait yaradılmasını xahiş edirəm.

İMZA Fikrət Məmmədov