İlqar Məmmədov: „Həbsim siyasi qərardır


İlqar Məmmədov: „Həbsim siyasi qərardır. Dövlət maşınını işə salıb, 19 hakim indiyə qədər barəmdə qanunsuz qərar çıxarıb. 90 saylı Ağdaş seçki dairəsindən deputatlığa namizədliyimi irəli sürməyimə mane olurlar.

Cəzaçəkmə müəssisəsinin rəhbəri sənədlərimi qəbul etmir. 29 aprelə qədər vaxt var. İndidən icazə verilməlidir ki, imza toplaya bilim. Bütün bunların siyasi yükünü kim çəkəcək?

Əgər icazə verilməsə, indidən 90 saylı keçiriləcək parlament seçkilərini qeyri-legitim hesab edirəm“.

İlqar Məmmədov : „Mənə qarşı təzyiqlər davam edir. Çalışacaqlar ki, məni sona qədər saxlasınlar. 2013-cü ildə prezident seçkilərində iştirakıma mane oldular. Indi də, əllərində əlac olsa, 2018-ci ilə qədər məni həbsdə saxlayarlar. Seçkilərdə iştirakıma mane olmaq üçün… Bundan sonra hələ ki, Şəki İstintaq Təcridxanasında saxlanılacam. Əvvəllər olduğu kimi, bu dəfə də mənə qarşı təzyiqlər ola bilər.

Mətbuat nümayəndələri diqqətdə saxlasınlar“.